သီရိဂေဟာ
ဇော်နောင်ဟိန်း ( GUITAR )
အချိန်တန်ရင် အိမ်ပြန်ကြ ရတာမို့ လူတိုင်းရဲ့ဘဝမှာ အိမ်ဆိုတာ အရေးကြီးလ ပါတယ်။ အဖိုးတန်တဲ့ အိမ်ကြီး၊ အိမ်ကောင်းတွေမှာ နေနိုင်တဲ့သူတွေ ရှိသလို ဓနိမိုး၊ ထရံကာ ခပ်နွမ်းနွမ်း အိမ်လေးတွေမှာ နေကြ ရတဲ့သူတွေလဲ မနည်းလှပါဘူး။ အိမ်ဆိုတာ ခမ်းနားကြီးကျယ်မှ တောက်ပ သစ်လွင်မှ မဟုတ်ပါဘူး။ အိမ်ထဲမှာ အတူနေကြတဲ့ မိသားစုဝင်တွေ ချစ်ချစ်ခင်ခင်၊ စည်းစည်းလုံးလုံး နဲ့နေနိုင်ကြရင် ပျော်ရွှင်စရာ သီရိဂေဟာ ဖြစ်နေမှာပါပဲ။
တစ်ညကို သိန်းနဲ့ချီပေးရတဲ့ ဟိုတယ်မှာ တည်းခဲ့အုံးတော့ အမြဲနေရတဲ့ နေရာ မဟုတ်ပါဘူး။ ကိုယ့်ကို လေးစားရိုသေပြ နေတဲ့ ဟိုတယ်ဝန်ထမ်း တွေကို ကြည့်ပြီးတော့လဲ ပီတိကြားမှာ မျောနေလို့ မရပါဘူး။ ဟိုတယ်ကနေ အပြင်ရောက် သွားရင် အဲဒီပုံစံနဲ့ ဆက်ဆံမှာ မဟုတ်တော့ဘူး ဆိုတာ သတိထားဖို့ လိုပါတယ်။ နောက်ဆုံးတော့ အမေ့အိမ်၊ အဖေ့အိမ်၊ မိသားစုရဲ့အိမ် ကိုပဲ ပြန်လာ ရတာပါ။ ဒီအိမ်ထဲမှာ စားချင်သလိုစား၊ နေချင်သလိုနေ၊ အိပ်ချင်သလိုအိပ်။ ဒါပေမဲ့ မိသားစုဝင် တွေကိုတော့ မစော်ကား နဲ့ပေါ့။
အိမ်တစ်အိမ်မှာ မိသားစုဝင်တွေ ရှိကြသလို ထုံးစံအားဖြင့် အဖေက အိမ်ထောင်ဦးစီး ပါပဲ။ သား၊သမီး တွေဆိုတာ တစ်အူထုံ့ဆင်း တွေ ဖြစ်ကြအုံးတော့ လူ့သဘာဝအရ စကားများကြ၊ ခိုက်ရန်ဒေါသ ဖြစ်ကြတယ် ဆိုတာ ထူးဆန်းတဲ့ ကိစ္စတော့ မဟုတ်ပါဘူး။ ဒါပေမဲ့ ကိုယ့်မိသားစု ထဲမှာ ဒီလိုပြဿနာတွေ ဖြစ်ပြီဆိုရင် ဟိုလူကကြည့်၊ ဒီလူကကြည့်နဲ့ အတော် ရှက်စရာကောင်းလှ ပါတယ်။ ပြီးရင် ကွယ်ရာမှာ အတင်းအဖျင်းတွေ ပြောကြလိမ့်မယ်။ နောက်တစ်ခုက စကား ခဏခဏများ၊ ရန်ဖြစ်နေတဲ့ အိမ်ကို မိတ်ဆွေကောင်းတွေ မလာတော့ပါဘူး။ မိတ်ဆွေကောင်းတွေ မလာရင် တိုးတက်မှုလဲ မရှိနိုင်တော့ ပါဘူး။
အိမ်တွင်းရေး ပြဿနာတစ်ခုကို အလွယ်တကူ ဖြေရှင်းပေး နိုင်တဲ့ အိမ်ထောင်ဦး စီးတွေရှိသလို ခက်ခက်ခဲခဲနဲ့ ဖြေရှင်းနေရတဲ့ သူတွေလဲ ရှိနေပြန်တယ်။ ပြဿနာရဲ့ အတိမ်အနက်ကို လိုက်ပြီး လွယ်ကူတာ၊ ခက်ခဲတာ ဆိုတာလဲ ရှိပြန်ပါတယ်။ ဒီနေရာမှာ ဘယ်သူမှားတယ်၊ မှန်တယ် ဆိုတာထက် အခြား မိသားစုဝင်တွေ မထိခိုက် စေဖို့ပါ။ အစ်ကိုကြီးနဲ့ အစ်မကြီးက ရန်ဖြစ်၊ စကားများနေတယ်။ အိုးခွက် ပန်းကန်တွေ ရိုက်ခွဲနေတယ်။
တစ်ဖက်မှာ စာမေးပွဲဖြေမယ့် ကလေးက စာကျက် မရတော့ဘူး။ ကလေးရဲ့ပညာရေး ထိခိုက်ပြီ။ အဲဒီကလေးရဲ့ ပညာရေး ထိခိုက်ရင် ဘယ်သူအပေါ် သက်ရောက်မှု ရှိမလဲ။ ဒီအိမ်အပေါ်မှာပဲ ဆိုးကျိုး သက်ရောက်မှုရှိလာမှာ ဖြစ်ပါတယ်။ ဒီထက်ပိုပြီး သူတို့ ပစ်လိုက်တဲ့ အိုးတွေ၊ ခွက်တွေ က ကလေးတွေကို ထိခိုက်ဒဏ်ရာ ရစေမယ်။ ဒဏ်ရာရလို့ ဆေးကုရရင် ပိုက်ဆံကုန်မယ်။ ဘယ်သူ့ပိုက်ဆံ တွေလဲ။ ဒီမိသားစုရဲ့ ပိုက်ဆံတွေပဲ။ ဒီကြားထဲ အငြိုးအတေးထားပြီး တစ်သက်လုံး မခေါ်၊ မပြောကြတော့ တဲ့ ညီအစ်ကို၊ မောင်နှမတွေလဲ ရှိကြပြန် သေးတယ်။ ဒီလို ဖြစ်နေတာတွေ ကို စည်းလုံးချစ်ခင် စေဖို့ကတော့ အိမ်တစ်အိမ်ရဲ့ အိမ်ထောင် ဦးစီးမှာ တာဝန်အရှိဆုံး ပါပဲ။
မိတ်ဆွေတစ်ယောက် ကတော့ သူ့သားသမီး တွေကို အခုလို ဆုံးမပါတယ်။''သားသမီးတို့ရေ၊ ချစ်ချစ်ခင်ခင် နေကြနော်။ သားတို့ ခဏခဏ စကားများ ရန်ဖြစ်နေရင် ပတ်ဝန်းကျင်က ဝမ်းသာ နေလိမ့်မယ်။ အကြီးက စိတ်ဆိုးပြီး သူများအိမ် သွားနေလိုက်၊ အငယ်က စိတ်ဆိုးပြီး သူများအိမ် သွားနေလိုက်နဲ့၊ သူများအိမ် သွားနေတော့ကော မင်းတို့ကို အလကား ကျွေးမထားပါဘူး။ အလုပ်လုပ် ရတာပါပဲ။ ကိုယ့်အိမ်မှာလဲ လုပ်ရမှာပါ။ ကိုယ့်အိမ်မှာ လုပ်ရတာဆိုရင် မင်းတို့က တောပြော၊ တောင်ပြောတွေ သိပ်ပြောချင် တာပဲ။ သူများဆီမှာ သွားလုပ်ရင် မင်းတို့ဘာများ ပြောနိုင်လို့လဲ။ ကိုယ့်ဆီမှာလဲ အခက်အခဲ ဆိုတာမျိုးတော့ ရှိနိုင်တာပေါ့။ မင်းတို့ ဟိုဟာခွဲ၊ ဒီဟာခွဲ ဆိုတော့ ကိုယ့်အိမ်က ပစ္စည်းတွေ ထိခိုက်၊ မိသားစုဝင်တွေ ထိခိုက်တာပဲ မို့လား။ သားကြီးရေ မင်းတစ်ခါက အဖေ့ကို စိတ်ဆိုးပြီး တစ်ခြားအိမ် သွားနေတုန်းက မှတ်မိလား။ အိမ်မှာနေရင် မနက် ၉ နာရီ မှ အိပ်ရာထတယ်။ ပြီးရင် လက်ဖက်ရည်ဆိုင် ထွက်တယ်။ နေ့လယ် ထမင်းစားချိန်မှ ပြန်လာတယ်။ တစ်ခါတလေများ အလုပ်ရှိလို့ စောစောနှိုးမိရင် မျက်နှာကြီး သုန်မှုန်ပြီး တစ်နေကုန် အဖေ့ကို ရန်ရှာ နေတော့တာလေ။ သူများအိမ် သွားနေတော့ မင်းမနက် ၅ နာရီ ထရတယ်။ သန့်ရှင်းရေး တွေ လုပ်ရတယ်။ သစ်ပင်တွေ ရေလောင်းရတယ်။ မင်း တစ်နေကုန် နားနားနေနေ နေခဲ့ရလို့လား။ အေး...ဘာပဲဖြစ်ဖြစ် သူ့အိမ်မှာ နေတော့ သူ့စည်းကမ်း၊ အဖေ့အိမ်မှာ နေရင်တော့ အဖေ့စည်းကမ်း ပေါ့ကွာ။ မင်းတို့ လိုက်နာနိုင် မလား။ တာဝန်နဲ့ ရပိုင်ခွင့် ဆိုတာရှိတယ်။ တစ်ကျပ်ဖိုးလောက် လုပ်ပြီး တစ်ဆယ်ဖိုး မလိုချင်နဲ့။ တစ်ဆယ်ဖိုး လုပ်ပြီး တစ်ကျပ်ပဲ ရရင်တော့ အဖေ့ကို ပြောဟေ့။ ဟုတ်လား။ အဖေက တာဝန်ယူ တယ်နော်'' ဆိုတာမျိုး ပြောရတယ်လို့ သူ့အဖြစ်အပျက် ကို ရင်ဖွင့်ပါတယ်။
အိမ်တစ်အိမ်ရဲ့ ဆင်းရဲခြင်း၊ ချမ်းသာခြင်း၊ အေးချမ်း တည်ငြိမ်ခြင်း၊ မတည်ငြိမ်ခြင်း ဆိုတာ အိမ်ထောင်ဦးစီး နဲ့ တိုက်ရိုက် သက်ဆိုင်နေပါတယ်။ ကောင်းသည်ဖြစ်စေ၊ ဆိုးသည်ဖြစ်စေ ဦးဆုံး အပြောခံရမှာက အိမ်ထောင်ဦးစီး ပါပဲ။ တစ်နည်းအားဖြင့် အိမ်ထောင်ဦးစီး ဆိုတာ ခေါင်းဆောင်တွေ ပါပဲ။ နောက်လိုက်တွေ တော်ကြပေမယ့်၊ ခေါင်းဆောင် ညံ့ရင် ရလဒ်ညံ့ပါတယ်။ နောက်လိုက်တွေ ညံ့ပေမယ့် ခေါင်းဆောင် ကောင်းရင် ရလဒ်ကောင်း ပါတယ်။ ခေါင်းဆောင် လဲတော်၊ နောက်လိုက်လဲ တော်ဆိုရင်တော့ အတိုင်းထက အလွန်ပါပဲ။ အိမ်ထောင်ဦးစီး ကလဲ တာဝန်ကျေ၊ အစ်ကိုကြီး၊ အစ်မကြီးတွေ ကလဲ ရန်မဖြစ်ဘဲ လုပ်စရာ ရှိတာလုပ်၊ အငယ်တွေကလဲ ကြိုးစားကြတယ် ဆိုရင် အကောင်းဆုံး မိသားစုရဲ့အိမ် ဖြစ်လာမှာပါ။ ဒါဆိုရင် ကလေးတွေ ရန်မဖြစ်ကြနဲ့ လို့ အမိန့်ထုတ်ရမှာလား၊ မဟုတ်ပါဘူး။ ရန်မဖြစ်အောင် အမိန့်ထုတ်လို့ မရပါဘူး။'' ခဏလေး ရန်ဖြစ်ပြီး အကြာကြီး ပြန်ချစ်အောင်'' လုပ်ကြ ရမှာပါ။ ဒီလိုမှ မဟုတ်ရင် ပတ်ဝန်းကျင်က ဝမ်းသာ နေလိမ့်မယ်။
#Yadanarpondaily
#ရတနာပုံနေ့စဉ်
No comments:
Post a Comment