မနီလာ ၊ ၂၁-၅-၂၀၁၄
ဖိလစ်ပိုင်နိုင်ငံ ၊ လော့ဘာနော့စ်မြို့ ရှိ တက္ကသိုလ် မှ သိပ္ပံ ပညာရှင်များသည် ဇမ်ဘယ်စ် ပြည်နယ် မြောက်ပိုင်းတွင် သတ္တုများစွာ ကို စုပ်ယူ စားသုံးနိုင်သော အပင်မျိုးစိတ်သစ် တစ်မျိုး (ပုံ) ကို ရှာဖွေ တွေ့ရှိခဲ့ကြောင်း ABS- CBN သတင်းဌာန မှ ဖော်ပြချက် အရ သိရသည်။
Rinorea Nicoolifera ဟု အမည်ပေး ထားသော အဆိုပါ အပင်သည် Hypetaccumulator အပင်မျိုးစိတ် ၄၅၀ အနက်မှ တစ်မျိုးဖြစ်ပြီး ၄င်းအပင်မှ အရွက်များသည် နီကယ်လ် တစ်သန်းရှိ အစိတ်အပိုင်း ၁၈၀၀၀ ကို စုပ်ယူ နိုင်ကြောင်း ၄င်းအပင်ကို လေ့လာသော အဖွဲ့မှ စာရေးဆရာ နှင့် သုတေသန အဖွဲ့ခေါင်းဆောင် ပါမောက္ခ အက်ဝီနိုဖာနန်ဒို က ပြောကြား ခဲ့သည်။
အဆိုပါ ထူးခြားသော အပင်အကြောင်းကို Phytokeys ဂျာနယ်တွင် ဖော်ပြထားပြီး အွန်လိုင်းမှလည်း ဖတ်ရှုနိုင်သည်ဟု သိရသည်။
အသစ်ရှာဖွေ တွေ့ရှိထားသော အပင်မျိုးစိတ်သည် မသန့်ရှင်းသော မြေ သို့မဟုတ် သတ္တုမြေ များကို ရှင်းလင်းရာတွင် အကူအညီ ဖြစ်စေမည် ဖြစ်ကြောင်း သိပ္ပံ ပညာရှင်များက ပြောကြား ခဲ့ကြောင်း သိရှိရသည်။ (CBS)
#Themyawadydaily
No comments:
Post a Comment