စဥ့်ကိုင် ၊ ၂၆-၁၁-၂၀၁၃
အိုင်ယာလန် နိုင်ငံရှိ ၄င်း နေထိုင်ရာမြို့မှ စတင် ပြေးလာခဲ့သူ တစ်ကိုယ်တော် အပြေးသမား Mr. Mangan Tony သည် ထိုင်းနိုင်ငံ မှ မြန်မာနိုင်ငံ အတွင်းသို့ မြ၀တီမြို့ မှတစ်ဆင့် ၀င်ရောက် လာရာ မန္တလေးတိုင်း ဒေသကြီး စဥ့်ကိုင်မြို့ သို့ နိုဝင်ဘာ ၂၂ ရက် ညနေ ၅ နာရီ မိနစ်၂ဝတွင် ရောက်ရှိ ဖြတ်ကျော် သွားကြောင်း သိရသည်။
၎င်းသည် ဥရောပ မှ အာရှတိုက် ကို ပတ်ကာ နေရင်းဒေသ အိုင်ယာလန် နိုင်ငံသို့ ပြန်ရောက် သည်အထိ ကီလိုမီတာ ၅၃ဝဝဝ ကျော် ပြေးရန် မျှော်မှန်း ထားကြောင်း ယခုအချိန် ထိ နိုင်ငံ ရှစ်နိုင်ငံကို ဖြတ်သန်းလျက် ကီလိုမီတာ ၃၈၀၀၀ ကျော်ကို ပြေးခဲ့ပြီး ဖြစ်ကြောင်း ၊ ယခုမြန်မာ နိုင်ငံမှာ ကိုးနိုင်ငံမြောက် ဖြစ်ပြီး ကျောက်ဆည် ၊ စဥ့်ကိုင် မှ စစ်ကိုင်း ၊ ရွှေဘို ၊ ကလေး ၊ တမူးမြို့ များသို့ ဖြတ်သန်းလျက် အိန္ဒိယ နိုင်ငံသို့ ကူးမည် ဖြစ်ကြောင်း ၊ အိုင်ယာလန် နိုင်ငံမှ စတင် ပြေးလာခဲ့ သည်မှာ ယခုအချိန်ထိ သုံးနှစ် နှင့် တစ်လရှိ ခဲ့ပြီ ဖြစ်ကြောင်း ၊ နောက်ထပ် ကျန်ရှိနေသော နိုင်ငံ ၆ နိုင်ငံကို ၁၁ လနှင့် အပြီး ဖြတ်ကျော်၍ အိုင်ယာလန် နိုင်ငံသို့ ပြန်လည် ရောက်ရှိရန် မျှော်မှန်း ထားကြောင်း သိရသည်။
Mr. Mangan Tony သည် ပင်စင်စား ၀န်ထမ်းဟောင်း တစ်ဦး ဖြစ်ပြီး အသက် ၅၆ နှစ်ရှိပြီ ဖြစ်ကြောင်း ၊ ၄င်း၏ P.P နံပါတ်မှာ PC 6641345 ဖြစ်ပြီး Visa No B 316120 ဖြစ်ကြောင်း ၊ ခွင့်ပြု TORRIST VISA မှာ ၂၈ ရက်ဖြစ်ပြီး ၁၆ ရက် အသုံးပြုပြီး ဖြစ်ကာ ၁၂ ရက် ကျန်ရှိ သေးကြောင်း ၊ ၄င်းကို မြန်မာနိုင်ငံ ကမ္ဘာလှည့် ခရီးသွား လုပ်ငန်း လုံခြုံရေး ရဲတပ်ဖွဲ့ ၊ မန္တလေးတိုင်း တပ်ဖွဲ့စု မှ ဒုတိယ ရဲအုပ် ကျော်မင်း က အနီးကပ် လိုက်ပါ စောင့်ရှောက်လျက် ရှိကြောင်း သိရှိရသည်။
No comments:
Post a Comment