ကယားပြည်နယ် ၊ ပညာရေး ညွှန်ကြားရေးမှူး ဦးစိုးဝင်း မှ အဖွင့် အမှာစကား ပြေကြားစဉ်နှင့်
တက်ရောက်သူများ
လွိုင်ကော် ၊ ၁၉-၁၁-၂ဝ၁၃
အခြေခံပညာ ဦးစီးဌာန လက်အောက်ရှိ ဝန်ထမ်းများ၏
စီမံရေးရာ ၊ ဘဏ္ဍာရေးရာ ပညာရေးရာ လုပ်ငန်းများ ဆောင်ရွက် ရာတွင် လုပ်ကိုင် ဆောင်ရွက်မှု
လုပ်ငန်း အဆင့်ဆင့်ကို တိကျ မှန်ကန်စွာ သိရှိနားလည် ပြီး စနစ်တကျ ဆောင်ရွက် နိုင်ရေး
ပေးအပ် ထားသည့် လုပ်ငန်း တာဝန်များ ပြီးမြောက် အောင်မြင်စွာ ဆောင်ရွက် နိုင်ရေး အတွက်
ရည်ရွယ်၍ ယနေ့ နံနက် ၉ နာရီက ကယားပြည်နယ် ပြည်နယ် ပညာရေး ညွှန်ကြားရေးမှူး ရုံးတွင်
သင်တန်းဖွင့်လှစ် ခဲ့ရာ အထက် မြန်မာပြည် ၊ မန္တလေး အခြေခံပညာ ဦးစီးဌာန ဒုတိယ ညွှန်ကြားရေးမှူး
(စီမံ) ဦးရဲလင်းမြင့် ၊ လက်ထောက် ညွှန်ကြားရေးမှူး (ကာယ) ဦးအောင်ဌေးမြင့် ၊ ဦးစီးအရာရှိ
(ဝန်ထမ်းရေးရာ) ဦးမြင့်ဦး ၊ ကယားပြည်နယ် ပညာရေး ညွှန်ကြားရေးမှူး ဦးစိုးဝင်း နှင့်
တာဝန်ရှိ သူများ ခရိုင် ၊ မြို့နယ်အဆင့် ပညာရေး မှူးများ ၊ ကျောင်းအုပ်ကြီးများ တက်ရောက်
ကြသည်။
ရှေးဦးစွာ ကယားပြည်နယ် ၊ ပညာရေး ညွှန်ကြားရေးမှူး
ဦးစိုးဝင်း မှ အဖွင့် အမှာစကား ပြေကြားပြီး အခြေခံပညာ ဦးစီးဌာန ဒုတိယ ညွှန်ကြားရေးမှူး
ဦးရဲလင်းမြင့် မှ အခြေခံပညာ ကျောင်းများ၏ စီမံ ခန့်ခွဲရေး ဆိုင်ရာ လုပ်ငန်းများ ၊
သင်ကြားရေး နှင့် စစ်ဆေးရေး ဆိုင်ရာ လုပ်ငန်းများ ၊ ဘဏ္ဍာရေး ဆိုင်ရာ လုပ်ငန်းများ ငွေစာရင်း
ချို့ယွင်း အားနည်သော မြို့နယ် များအား စစ်ဆေးခြင်း လိုအပ်ချက်များ လမ်းညွှန် ဖြည့်စွက်
နိုင်ရေး အတွက် သင်တန်းများ ပို့ချ သွားမည် ဖြစ်ကြောင်း သိရှိရသည်။
No comments:
Post a Comment