မှန်တွင် ရောင်ပြန်ထင်ဟပ် သကဲ့သို့
မျက်မှောက် ကာလ၌ မကောင်းမှု ပြုမိသူ တစ်ယောက်သည် အနှေး နှင့် အမြန် မကောင်းကျိုး ခံစား ရတတ်သည်ကို လူတိုင်းသိပြီး ဖြစ်သည်။ ရာဇဝတ် ပြစ်မှုကျူးလွန် သူသည် အဆိုပါ ပြစ်မှုဒဏ်ကို မလွဲမသွေ ခံရမည် ဖြစ်သကဲ့သို့ မကောင်းမှု ပြုမိသူသည် လတ်တလော တွင် လူအများ၏ ကဲ့ရဲ့ခြင်း ကို ခံရတတ် ပေသည်။
ဤသည်မှာ လောက၌ '' မကောင်းမှု ပြုသမျှ တို့သည် ဆိတ်ကွယ်ရာ မရှိ '' ဟု ဆိုထားခြင်း ဖြစ်ပေသည်။ မိမိ ပြုသမျှ လုပ်သမျှ တို့သည် မှန်တွင် ထင်ဟပ် ပေါ်လွင် သကဲ့သို့ အမြဲတမ်း ရောင်ပြန် ထင်ဟပ်ခြင်း ခံရမည် ဖြစ်သည်။ သူတစ်ပါးကို ဆဲဆိုမိလျှင် အခြားသူ တစ်ယောက်၏ ပြန်လည် ဆဲဆိုမှုကို ခံရမည် ဖြစ်သကဲ့သို့ မိမိက ပြုံးရွှင်သော မျက်နှာဖြင့် သူတစ်ပါးကို ကြည့်မိလျှင် သူတစ်ပါး ကလည်း ပြုံးရွှင်သော မျက်နှာဖြင့် မိမိကို ပြန်ကြည့်မည် ဖြစ်သည်။
ငယ်စဉ်အခါ လိမ္မာစွာဖြင့် ပညာကို ကြိုးစား သင်ယူခဲ့ ကြပြီး တရားသဖြင့် ဥစ္စာ စီးပွား ဖြစ်ထွန်း လာသကဲ့သို့ စီးပွား ပျက်ကြောင်း လောင်းကစားမှု စသည်တို့ကို ပြုမိလျှင် တစ်နေ့တွင် စီးပွား ဥစ္စာများ ပျက်စီး တတ်သည်မှာ ဓမ္မတာပင် ဖြစ်သည်။ သူတစ်ပါးကို စိတ်၏သော် လည်းကောင်း ၊ ကိုယ်၏ သော်လည်းကောင်း ပြုမိသူသည် တစ်နေ့တွင် မိမိလည်း စိတ်၏ ဆင်းရဲခြင်း ၊ ကိုယ်၏ ဆင်းရဲခြင်း တို့ တစ်ဖန် ခံရမည်မှာ အမှန်ပင် ဖြစ်သည်။
ဤသို့ မကောင်းသည့် ကံကို ပြုမိလျှင် မကောင်းကျိုး တို့ကို ခံရခြင်း ၊ ကောင်းသည့် ကံကို ပြုလျှင် ကောင်းကျိုး တို့ကို ပြန်လည် ခံစားရခြင်း တို့သည် အကျိုး ခံစားခွင့် အကျိုးပေး အနည်း အများပေါ် မူတည်၍ ခြားနားသည်။ ယခု လက်ရှိ မကောင်းမှု ကို ပြုမိသော်လည်း ထို မကောင်းမှု အကျိုးဆက် ကို ချက်ချင်း မခံစား ရခြင်းမှာ ထိုသူ၏ ပြုခဲ့သော ကောင်းမှု ကံကြောင့် ဖြစ်သည်။
အမှန်တွင် မိမိပြုသမျှ အားလုံးအတွက် အချိန်တန် သောအခါ ပြန်လည် ခံစားရမည်မှာ မြေကြီး လက်ခတ်မလွဲ ဖြစ်သည်။ ယခုအခါ ဖြစ်ပျက် နေသော အနေအထား များအရ အကျိုးပေး မြန်ဆန် လာသည်။ အဘယ်ကြောင့် ဆိုသော် လူတို့၏ လုပ်ဆောင်မှု တိုင်း၌ မှန်ကန်သော အားထုတ်မှု ၊ မှန်ကန်သော ပြုမူ ဆက်ဆံှေု ၊ မှန်ကန်သော အလုပ်လုပ်မှု တို့ ရှိလာသော အခါ ကောင်းကျိုး ၊ မကောင်းကျိုး တို့ကို ချက်ချင်း လက်ငင်း သိသာ ထင်ရှားစွာ ခံစားကြ ရခြင်း ဖြစ်သည်။
သို့ဖြစ်ရာ မျက်မှောက် ဘ၀ကာလ တွင် ထိုကဲ့သို့ ကောင်းကျိုး ၊ မကောင်းကျိုး များသည် မှန်၏ ရောင်ပြန် ထင်ဟပ် သကဲ့သို့ ချက်ချင်း ဖြစ်ပေါ်တတ် သဖြင့် လူသားအားလုံး တို့သည် သူတစ်ပါး ကို ထိခိုက် နစ်နာစေမည့် မကောင်းသော အပြုအမူ ၊ အပြောအဆို ၊ အလုပ်အကိုင် ၊ ကြံစည်အား ထုတ်မှုတို့ကို မပြုမိစေဘဲ အများ ကောင်းကျိုး ၊ မိမိ ကောင်းကျိုး တို့ကို အကောင်းဆုံး ဖြစ်အောင် ကြိုးပမ်း အားထုတ်ကြဖို့ တိုက်တွန်း ရေးသားလိုက် ရပေသည်။
(၂၆-၁၁-၂၀၁၃ ရက် ရတနာပုံနေ့စဉ်သတင်းစာ အယ်ဒီတာ့အာဘော် )
No comments:
Post a Comment