ပြည်တွင်း အထည်ချုပ်လုပ်ငန်း တစ်ခုကို တွေ့ရစဉ်
ရန်ကုန် ၊ ၈-၁၀-၂၀၁၃
အမျိုးသား ပို့ကုန် မဟာဗျူဟာ (
National Export Strategy ) ရေးဆွဲသည့် နေရာတွင်
ကုန်သွယ်မှု အပိုင်းကိုသာ အဓိက ဦးစားပေး၍ မရဘဲ ကုန်ပစ္စည်း ထုတ်လုပ် နိုင်သည့် အပိုင်းကိုလည်း
ဦးစားပေး လုပ်ဆောင်ရန် လိုအပ် နေကြောင်း မြန်မာနိုင်ငံ ငါးလုပ်ငန်း အဖွဲ့ချုပ်မှ အထွေထွေ
အတွင်းရေးမှူး ဦးဝင်းကြိုင် က ပြောကြားခဲ့သည်။
'' အမျိုးသားပို့ကုန် မဟာဗျူဟာ ရေးဆွဲတဲ့
နေရာမှာ လူတွေက Trade ကို မြင်ကြတယ် ၊ ဒါက မမှန်ဘူးလားဆို တော့ မှန်ပါတယ် ၊ ထုတ်လုပ်မှု
ကိုအခြေခံပြီးမှ Trade က ဖြစ်လာတာပါ ၊ အမှန်က ကုန်ပစ္စည်း ထုတ်လုပ်မှုက အရေးကြီး ဆုံးပါ
၊ ထုတ်လုပ်တဲ့ ကုန်ပစ္စည်း မရှိဘဲ Export လုပ်လို့ မရပါဘူး ... " ဟု ၄င်းက ဆက်လက်
ပြောကြား ခဲ့သည်။
အမျိုးသား ပို့ကုန် မဟာဗျူဟာ ရေးဆွဲရာတွင်
နိုင်ငံခြားငွေ ရှာဖွေနိုင်သည့် လုပ်ငန်းများ အဖြစ် ဆန်စပါးကဏ္ဍ ၊ ပဲမျိုးစုံ ၊ နှမ်းကဏ္ဍ
၊ ရေထွက်ပစ္စည်း ကဏ္ဍ ၊ သစ်တောထွက် ပစ္စည်းကဏ္ဍ ၊ အထည်အလိပ် ကဏ္ဍနှင့် ခရီးသွား လုပ်ငန်း ကဏ္ဍများကို
ထည့်သွင်းထားပြီး အောက်တိုဘာလ ၇ ရက် ၊ ၈ ရက်နှင့် ၉ ရက်များတွင် ရေထွက်ကုန် လုပ်ငန်း
လုပ်ကိုင်သူများ နှင့် တွေ့ဆုံ သွားမည်ဟု သိရသည်။
မြန်မာ့ရေထွက်ကုန် လုပ်ငန်းတွင် အခြေခံ
ကုန်ကြမ်း ရေထွက်ကုန် ပစ္စည်းများ ပေါများ နေသော်လည်း ကုန်ချော အဖြစ် ပြုပြင်ပြောင်းလဲ
ထုတ်လုပ်နိုင်ခြင်း မရှိသေး၍ နိုင်ငံခြား ဝင်ငွေရရှိမှု အပိုင်းတွင် ရသင့်သလောက် မရရှိ
ကြောင်း ၊ ရေထွက် လုပ်ငန်း လုပ်ကိုင် သည့် ပညာရှင်များက သုံးသပ် ပြောကြား ခဲ့သည်။
" ဒီမှာက ရေထွက်ကုန်မှာ ကုန်ကြမ်း
တွေပေါတယ် ၊ သူများ နိုင်ငံတွေမှာရှား နေတဲ့ ငါးမျိုးစိတ်တွေ တောင်ရှိတယ် ၊ အဲဒါတွေကို
ဖမ်းဆီးရ မိရင် ဒီအတိုင်း ပြည်ပကို တင်ပို့နေတယ် ၊ အဲဒီတော့ ဈေးက ရသင့် သလောက် မရဘူး
၊ ကုန်ချောအဖြစ် ပြောင်းပြီး ပို့နိုင်ဖို့ကြိုးစား ရမယ် . . . . '' ဟု ရေထွက်ပစ္စည်း
ထုတ်လုပ် သူများ နှင့် ပို့ကုန်လုပ်ငန်းရှင် များအသင်း ဥက္ကဋ္ဌ ဒေါ်တိုးနန္ဒာတင် က ပြောကြား
ခဲ့ကြောင်း သိရှိရသည်။
No comments:
Post a Comment