ရန်ကုန် ၊ ၈-၇-၂၀၁၃
၂၀၁၃ - ၂၀၁၄ ခု ပညာသင်နှစ် တွင် ရန်ကုန် တက္ကသိုလ် ၌ ၀ိဇ္ဇာနှင့် သိပ္ပံဘွဲ့များ အတွက် ပထမနှစ်မှ စတင်ကာ သင်တန်းများ ခေါ်ယူမည် ဖြစ်သော်လည်း ထူးချွန် ကျောင်းသား ကျောင်းသူ များကိုသာ ရွေးချယ် သင်ကြား သွားမည် ဖြစ်သည့် အတွက် လျှောက်ထား လိုသူများသည် မတ်လက ဖြေကြား ထားခဲ့သည့် တက္ကသိုလ် ၀င်တန်း စားမေးပွဲ တွင် စုစုပေါင်း ရမှတ် အနည်းဆုံး ၄၃၀ ရရှိ ရမည်ဟု သိရသည်။
ရန်ကုန် တက္ကသိုလ်တွင် လက်ရှိ ဖွင့်လှစ် သင်ကြား နေသည့် ၀ိဇ္ဇာ နှင့် သိပ္ပံ ဘာသာရပ် အားလုံးအတွက် လက်ခံ သင်ကြား ပေးရန် မဖြစ်နိုင် သေးဘဲ စာကြည့်တိုက် နှင့် သုတပညာ ဘာသာရပ် ကို ချန်လှပ် ထားဦးမည် ဖြစ်သည်ဟု သိရသည်။ ၀ိဇ္ဇာ ဘာသာရပ်များ အတွက် အနိမ့်ဆုံး တက္ကသိုလ် ၀င်တန်း စာမေးပွဲရမှတ် သတ်မှတ်ချက် မှာ အမှတ်ပေါင်း ၄၃၀ ဖြစ်ပြီး ၊ အင်္ဂလိပ်စာ ဘာသာရပ် အတွက် သတ်မှတ်ချက်မှာ တက္ကသိုလ် ၀င်တန်း စာမေးပွဲ ရမှတ် ၅၀၀ ဖြစ်ပြီး မြန်မာစာ ဘာသာရပ် အတွက် သတ်မှတ်ချက် မှာ တက္ကသိုလ်ဝင် စားမေးပွဲ ရမှတ် ၄၅၀ ဟုလည်း သိရသည်။
ရန်ကုန် တက္ကသိုလ် ၏ ၀ိဇ္ဇာ နှင့် သိပ္ပံ ဘွဲ့ သင်တန်းများ အတွက် တက္ကသိုလ် ၀င် စာမေးပွဲ ရမှတ် သတ်မှတ်ချက် မှာ မြင့်မားပြီး အသက်မွေး ၀မ်းကျောင်း တက္ကသိုလ် များနှင့် အပြိုင်ပင် ဖြစ်သည် ဟုလည်း သိရသည်။ ရန်ကုန် တက္ကသိုလ် တွင် ၀ိဇ္ဇာ နှင့် သိပ္ပံဘွဲ့ သင်တန်းများ ရပ်နား ထားသည်မှာ ကြာမြင့် ခဲ့ပြီ ဖြစ်ပြီး လက်ရှိတွင် အနိမ့်ဆုံး ၀ိဇ္ဇာနှင့် သိပ္ပံဘွဲ့ တစ်ဘွဲ့ ရရှိထားသူများအား ၀င်ခွင့် စားမေးပွဲများ ဖြေဆိုစေကာ ဘွဲ့လွန် ဒီပလိုမာ သင်တန်းများ ၊ မဟာဘွဲ့ သင်တန်းများ ၊ မဟာ သုတေသနဘွဲ့ သင်တန်းများ ၊ ပါရဂူဘွဲ့ သင်တန်းများ ကို ဖွင့်လှစ် သင်ကြားလျက် ရှိကြောင်း သိရှိရသည်။
No comments:
Post a Comment