နယ်စပ်ဆက်ဆံရေးရုံးများတွင် တာဝန်ထမ်းဆောင်မည့် အရာရှိများအတွက် မှောင်ခိုမှုများ တားဆီးနှိမ်နင်းရေး သင်တန်းဆင်းပွဲကျင်းပ

တာချီလိတ် ၊ ၁၅-၇-၂၀၁၃

မြန်မာ - ထိုင်း နှစ်နိုင်ငံ အကြား နယ်စပ် ဆက်ဆံရေးရုံး များတွင် တာဝန် ထမ်းဆောင်မည့် အရာရှိများ အတွက် မှောင်ခိုမှုများ တားဆီး နှိမ်နင်းရေး ဆိုင်ရာ သင်တန်း Anti - Smuggling Training Seminar ကို ၂၀၁၃ ခုနှစ် ဇူလိုင်လ ၁၁ ရက်နေ့တွင် တာချီလိတ် (မူးယစ်) ရဲဗလ ခန်းမတွင် သင်းတန်း ဆင်းပွဲပွဲ ကျင်းပ ပြုလုပ်ခဲ့ကြောင်း သိရသည်။

အဆိုပါ သင်တန်းဆင်းပွဲ တွင် မြန်မာနိုင်ငံ ရဲချုပ် ကိုယ်စား M-PAC အတွင်းရေးမှူး ရဲမှးကြီး အောင်ဌေးမြင့် နှင့် UNODC မှ Programme Officer Mr. Giovanni Broussard တို့မှ အပြန်အလှန် ကျေးဇူးတင် စကား ပြောကြား ခဲ့ပြီး သင်တန်းသား များအား M-PAC အတွင်းရေးမှူး ရဲမှူးကြီး အောင်ဌေးမြင့် မှ သင်တန်းဆင်း လက်မှတ်များ ပေးအပ်ခဲ့သည်။

တာချီလိတ် ခရိုင်အတွင်း ရှိ BLO ( Border Liaifon Office ) နယ်စပ် ဆက်ဆံရေး ရုံးများတွင် အလှည့်ကျ တာဝန် ထမ်းဆောင်လျက် ရှိသော လူကုန်ကူးမှု တားဆီး ကာကွယ်ရေး အဖွဲ့ ၊ သတင်းတပ်ဖွဲ့ ၊ မြန်မာနိုင်ငံ ရဲတပ်ဖွဲ့ ၊ CID ၊ အထွေထွေ အုပ်ချုပ်ရေး ဦးစီးဌာန ၊ လူဝင်မှု ကြီးကြပ်ရေး နှင့် ပြည်သူ့အင်အား ဦးစီးဌာန ၊ သစ်တော ဦးစီးဌာန ၊ အကောက်ခွန် ဦးစီးဌာန တို့မှ သင်တန်းသား သင်တန်းသူ ၂၄ ဦး တက်ရောက် ခဲ့ကြသည်။

ပြည်ထောင်စု မြန်မာနိုင်ငံတော် နှင့် UNODC တို့ ပူးပေါင်း၍ Patrol မှောင်ခိုမှု တိုက်ဖျက်ရေး ဆိုင်ရာများကို နယ်စပ်ဒေသ များဖြစ်သည့် မြ၀တီ ၊ ကော့သောင်း နှင့် မူဆယ်မြို့ များတွင်လည်း ဖွင့်လှစ်ရန် ရှိသည်ဟု M-PAC အတွင်းရေးမှူး ရဲမှူးကြီး အောင်ဌေးမြင့် နှင့် UNODC မှ Programme Officer Mr. Giovanni Broussard တို့မှ သတင်း မီဒီယာများသို့ ရှင်းလင်း ပြောကြား ခဲ့ကြောင်း သိရသည်။