ရန်ကုန် ၊ ၂၀-၅-၂၀၁၃
မြန်မာနိုင်ငံ တွင် ဒီဇင်ဘာလ အတွင်း
(၂၇) ကြိမ်မြောက် အရှေ့တောင် အာရှ အားကစား ပြိုင်ပွဲကြီး ကို အိမ်ရှင်အဖြစ် ကျင်းပမည်
ဖြစ်ရာ ပြည်သူများ အနေဖြင့် အဆိုပါ ပြိုင်ပွဲကြီး ကို စောင့်မျှော်လျက် ရှိကြသည်။ အနုပညာရှင်
များ အနေဖြင့်လည်း Sea Games ပြိုင်ပွဲ အတွက် တေးသီချင်းများ ၊ သရုပ်ဆောင် မှုများ နှင့်
လှုံ့ဆော် ပေးမှုများ၌ တက်ကြွစွာ ပါဝင် လှုပ်ရှာလျက် ရှိကြောင်း သိရသည်။
မြန်မာနိုင်ငံ တွင်သာမက နိုင်ငံပေါင်း
များစွာမှလည်း Sea Games ပွဲကြီးကို စောင့်မျှော်လျက် ရှိရာ လာမည့် ဇူလိုင်လ အတွင်းတွင်
ရန်ကုန်မြို့ သို့ နိုင်ငံ ငါးနိုင်ငံ မှ အဆိုတော်ကြီး များက ဆီးဂိမ်း လှုံ့ဆော်မှု ဆိုင်ရာ
ရှိုးပွဲများ လာရောက် ဖျော်ဖြေ ကြမည် ဖြစ်ကြောင်း သိရသည်။ ကနေဒီယန် ၊ ထိုင်းနိုင်ငံ
နှင့် ဂျာမနီ နိုင်ငံ တို့မှ လာရောက် ဖျော်ဖြေရန် ကမ်းလှမ်းမှု ကို လက်ခံ ရရှိထားပြီး
ကျန်နိုင်ငံများ မှလည်း လက်ခံမှု ရရန် ဆောင်ရွက်လျက် ရှိကြောင်း သိရသည်။ အဆိုပါ ရှိုးပွဲကြီး
များကို Free Show အဖြစ် တင်ဆက်နိုင်ရန် ကြိုးစားလျက် ရှိကြောင်း သိရှိရသည်။
No comments:
Post a Comment