Social Icons

Pages

Wednesday, July 26, 2017

ငွေကျပ်သိန်း ၂၉၀၀၀ ကျော်တန်ဖိုးရှိ ဘိန်းဖြူဘလောက်တုံးများနှင့် လက်နက်ခဲယမ်းများ ဖမ်းဆီးရမိ


ဖမ်းဆီးရမိသူကို လက်နက်၊ ခဲယမ်းများ နှင့်အတူ တွေ့ရစဉ်။

ဖမ်းဆီးရမိသူကို မူးယစ်ဆေးဝါးများ၊ လိုင်စင်မဲ့မော်တော်ယာဉ်တို့နှင့်အတူ တွေ့ရစဉ်။

နေပြည်တော် ၂၆-၇-၂၀၁၇

ရှမ်းပြည်နယ် (တောင်ပိုင်း)၊ မိုင်းပန်မြို့၏ အရှေ့ဘက် ၃၁ မိုင်ခန့်အကွာရှိ သံလွင်မြစ်ကူးတံတား (တာဆန်း) ပူးပေါင်းစစ်ဆေးရေး ဂိတ်၌ တပ်မတော်သားများ၊ မြန်မာနိုင်ငံ ရဲတပ်ဖွဲ့ဝင်များနှင့် ဌာနဆိုင်ရာ တာဝန်ရှိသူများ ပါဝင်သောပူးပေါင်းအဖွဲ့က မော်တော်ယာဉ် များအား ရှာဖွေစစ်ဆေးစဉ် ဇူလိုင် ၂၄ ရက်မွန်းလွဲ ၁ နာရီခွဲခန့်တွင် မိုင်းတုံမြို့ဘက်မှ မိုင်းပန်မြို့ဘက်သို့ အိုက်စိုင်းကျော် (ဘ) ဦးအိုက်စံပူး မောင်းနှင်၍ နန်းစံဟွမ်း(ဘ)ဦးစိုင်းပီးလိုက်ပါလာသည့် MARK-X အမျိုးအစား မော်တော်ယာဉ်အမှတ်၊ 9H/ ----- တပ်ဆင်ထားသည့် လိုင်စင်မဲ့ မော်တော်ယာဉ်အား ရပ်တန့်စစ်ဆေးရာ ယာဉ်မောင်း အိုက်စိုင်းကျော်မှာ သံလွင်မြစ်ကူးတံတား (တာဆန်း) ပေါ်မှ ခုန်ချ ထွက်ပြေး သွားခဲ့သည်။

ထို့နောက် ပူးပေါင်းအဖွဲ့က မော်တော်ယာဉ်အားစစ်ဆေးရာ မော်တော်ယာဉ်နောက်ဖုံး အတွင်းမှ ဘိန်းဖြူဘလောက်တုံး ၂၉၈ တုံး၊ အလေးချိန် ၁၀၄ ဒသမ ၃ ကီလို (ခန့်မှန်းတန်ဖိုးငွေကျပ် ၂၉၂၀၄ သိန်းခန့် ) ကိုသိမ်းဆည်း ရမိခဲ့သည်။

ဖမ်းဆီးရမိသူ နန်းစံဟွမ်းအား စစ်ဆေးမေးမြန်းချက်များအရ ရှမ်းပြည်နယ်(အရှေ့ပိုင်း)၊ မိုင်းတုံမြို့နယ်၊ နားကောင်းမူကျေးရွာ၊ ၎င်း၏နေအိမ်နှင့် ပုံပါကျင်မြို့၊ အမှတ် (၂) ရပ်ကွက်ရှိ ထွက်ပြေးသွားသည့် အိုက်စိုင်းကျော်၏ နေအိမ်တို့အား ပူးပေါင်းအဖွဲ့က သက်သေများနှင့်အတူ စစ်ဆေးရှာဖွေရာ နန်းစံဟွမ်း၏ နေအိမ်မှ ပွိုင့်-၂၂ သေနတ်တစ်လက်၊ ၎င်းကျည် ၁၃ တောင့်နှင့် စနိုက်ပါမှန်ပြောင်း တစ်လက်၊ အိုက်စိုင်းကျော်၏နေအိမ်မှ ခြံစောင့် အိုက်မိုင်း (ဘ) ဦးလုံးပန်းနှင့်အတူ ပွိုင့်-၂၂ သေနတ်တစ်လက်၊ ၎င်းကျည်အိမ် တစ်ခု၊ ၎င်းကျည်၁၁ တောင့်၊ အမ်-၁၆ သေနတ်တစ်လက်၊ ၎င်းကျည်အိမ်တစ်ခု၊ ၎င်းကျည် ၁၃ တောင့်၊ပြောင်းချောတစ်လုံးထိုး သေနတ်တစ်လက်နှင့် ၎င်းကျည် ၂၁ တောင့်တို့အား ရှာဖွေတွေ့ရှိ သိမ်းဆည်းရမိခဲ့သည်။

သိမ်းဆည်းရမိ မူးယစ်ဆေးဝါးများ၊ လက်နက်ခဲယမ်းများနှင့် ဆက်စပ်သူအား ဖမ်းဆီးရမိနိုင်ရေးနှင့် ဖမ်းဆီးရမိသူများအား မိုင်းပန်မြို့၊ နားကောင်းမူနှင့် ပုံပါကျင်ရဲစခန်းတို့၌ တရားဥပဒေအရ အရေးယူ ဆောင်ရွက် လျက်ရှိကြောင်း သတင်းရရှိသည်။

#Themyawadydaily

No comments:

Post a Comment

Related Posts Plugin for WordPress, Blogger...