မျှတသော တရားစီရင်ရေးဆိုင်ရာ စံနှုန်းများ လက်စွဲစာအုပ် မိတ်ဆက်ခြင်းနှင့် ဆွေးနွေးပွဲ ကျင်းပ

-

မြစ်ကြီးနား  ဇန်နဝါရီ  ၂၉ 

-

ကချင်ပြည်နယ် မြစ်ကြီးနားမြို့ ခေမာသီရိရပ်ကွက်ရှိ City Park Royal ၌ ယနေ့နံနက် ၈ နာရီခွဲတွင် မျှတသော တရားစီရင်ရေးဆိုင်ရာ စံနှုန်းများ လက်စွဲစာအုပ် မိတ်ဆက်ပွဲနှင့် ဆွေးနွေးပွဲ အခမ်းအနားကျင်းပသည်။ ရှေးဦးစွာ ကချင်ပြည်နယ် ဥပဒေချုပ် ဦးဒီဆင်ရမ်က အဖွင့်အမှာစကား ပြောကြားပြီး ပြည်ထောင်စုရှေ့နေချုပ်ရုံး တရားစွဲအမှုလိုက် ဦးစီးဌာနမှ ညွှန်ကြားရေးမှူးချုပ် ဒေါ်ခင်ချိုအုန်းကမျှတသော တရားစီရင်ရေးဆိုင်ရာ စံနှုန်းများ လက်စွဲစာအုပ်ကို ရှင်းလင်းတင်ပြသည်။ 

-

ဆက်လက်၍ တက်ရောက်လာကြသူများက မျှတသော တရားစီရင်ရေးဆိုင်ရာ စံနှုန်းများ အကြောင်းကို အဖွဲ့များခွဲ၍  ဝိုင်းဝန်း ဆွေးနွေးကြသည်။ 

-

အဆိုပါမျှတသော တရားစီရင်ရေးဆိုင်ရာ စံနှုန်းများ လက်စွဲစာအုပ်တွင် မျှတသော တရားစီရင်ရေးစံနှုန်းများနှင့် တရားဥပဒေ စိုးမိုးရေးမူများ၊ ရာဇဝတ် တရားစီရင်ရေး ဆိုင်ရာ မျှတသောတရားစီရင်ရေးစံနှုန်းများ၊ တရားစီရင်ရာတွင် ကျင့်သုံးရမည့် မျှတသော တရားစီရင်ရေး စံနှုန်းများနှင့် အမျိုးသမီး အခွင့်အရေးများကို ကာကွယ်စောင့်ရှောက်မှုပေးခြင်းစသည့် ခေါင်းစဉ်များ ပါဝင်ပြီးတရားစီရင်ရေးစံနှုန်းများ ဖြစ်သည့် လွတ်လပ်မှု၊ ဘက်မလိုက်မှု၊ သမာသမတ်ကျမှု၊ ဖြောင့်မတ်မှန်ကန်မှု၊ တန်းတူညီမျှမှုတို့ကို အထောက်အကူဖြစ်စေရန် အတွက် မြန်မာနိုင်ငံ၏ ဖွဲ့စည်းပုံ အခြေခံဥပဒေ၊တည်ဆဲပြည်တွင်း ဥပဒေပြဋ္ဌာန်းချက်များ၊ တရားရုံး ဆုံးဖြတ်ချက်များကို အခြေခံထားကာ အပြည်ပြည်ဆိုင်ရာ Fair Trial Standard စံနှုန်းများနှင့် ကိုက်ညီမှုရှိအောင် ပြုစုထားပြီး ယင်းစံနှုန်းများကို ဥပဒေအရာရှိများ လေ့လာသိရှိနိုင်ရန်နှင့် ပြည်သူများ၏ ဥပဒေဆိုင်ရာ အခွင့်အရေးများကို ဥပဒေနှင့်အညီ ကာကွယ်စောင့်ရှောက်ပေးနိုင်ရန် ရည်ရွယ်၍ ၎င်းစာအုပ်အား ထုတ်ဝေခြင်း ဖြစ်ကြောင်း သိရသည်။

-

#မြ၀တီနေ့စဉ်သတင်းစာ