-
မြင်းခြံ ဒီဇင်ဘာ ၁၈
-
မန္တလေးတိုင်းဒေသကြီး မြင်းခြံမြို့နယ် ဒေါင်းသစ်ကျေးရွာအုပ်စု ဒါးကျွန်းကျေးရွာ တောင်သူ ဦးသန်းခိုင်၏ ကွင်းအမှတ်(၂၇၂)ရှိ အစေ့ထုတ် ပြောင်းစိုက်ခင်း၌ ငမြှောင်တောင်ပိုးများ ကျ ရောက်နေသောကြောင့် ယနေ့တွင် မြင်းခြံခရိုင် စိုက်ပျိုးရေး ဦးစီးဌာန ဦးစီးမှူး ဦးဆောင်သော ဝန်ထမ်းများအဖွဲ့က ငမြှောင်တောင်ပိုး စုပေါင်းကာကွယ် နှိမ်နင်းခြင်း လုပ်ငန်းများ ကွင်းဆင်း ဆောင်ရွက်ပေးကြသည်။
-
ထိုသို့ ဆောင်ရွက်ရာတွင် မြင်းခြံခရိုင် စိုက်ပျိုးရေး ဦးစီးဌာန ဦးစီးမှူးက မြင်းခြံခရိုင် စိုက်ပျိုး ရေးဦးစီးဌာန၏ အနီးကပ် ကြီးကြပ်မှုဖြင့် မြင်းခြံမြို့နယ်အတွင်း အစေ့ထုတ်ပြောင်းစိုက်ခင်း စုစုပေါင်း ဧက ၁၂ဝဝဝ စိုက်ပျိုးထားကြောင်း၊ အဆိုပါ စိုက်ပျိုးထားရှိသည့် စိုက်ဧက ၁၂ဝဝဝ အနက် မြင်းခြံမြို့နယ် ဒေါင်းသစ်ကျေးရွာအုပ်စုမှာ စိုက်ပျိုးထားရှိသည့် အစေ့ထုတ်ပြောင်း စိုက်ခင်း ဧက ၄၃၇ ဧကတွင် ၆၃ ဧကခန့်မှာ ငမြှောင်တောင်ပိုး ကျရောက်နေသည်ကို စိစစ် တွေ့ရှိကြောင်း၊ ယခု တွေ့ရှိသော ငမြှောင်တောင်ပိုးမှာ မျိုးစိတ် Spodoptera Frugiptera ဖြစ်ပြီး ယခင် ကျရောက်လေ့ရှိသည့် ငမြှောင်တောင်ပိုး မျိုးစိတ်များထက် ဖျက်ဆီးမှု၊ ပြန့်ပွားမှု လျင်မြန်ကြောင်း ရှင်းလင်း ပြောကြားသည်။
-
ထို့နောက် မြင်းခြံခရိုင် စိုက်ပျိုးရေး ဦးစီးဌာနမှ ဦးဆောင်၍ ခရိုင်/ မြို့နယ် စိုက်ပျိုးရေး ဝန်ထမ်း များ၊ မန္တလေးတိုင်း ဒေသကြီး သီးနှံကာကွယ်ရေး တာဝန်ခံနှင့် တိုင်းဒေသကြီး အတွင်းရှိ မန္တလေး၊ ရမည်းသင်း၊ မိတ္ထီလာ၊ ညောင်ဦးခရိုင်တို့မှ သီးနှံကာကွယ်ရေး တာဝန်ခံများ ပူးပေါင်း ၍ ငမြှောင်တောင်ပိုး ကျရောက်နေသော စိုက်ခင်းကို ပိုးသတ်ဆေးဖျန်းခြင်း လုပ်ငန်း စုပေါင်း ဆောင်ရွက်ကြကြောင်း သိရသည်။
-
ရဲဝင်းနိုင်(ညောင်ဦး)
-
#မြ၀တီနေ့စဉ်သတင်းစာ
No comments:
Post a Comment