တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်အား လာအို အမျိုးသား ကာကွယ်ရေးဝန်ကြီး Lieutenant General Chansamone CHANYALATH က ဂုဏ်ပြုကြိုဆို၊ တွေ့ဆုံဆွေးနွေး

နေပြည်တော်၊ အောက်တိုဘာ - ၁၁
-
လာအိုအမျိုးသားကာကွယ်ရေးဝန်ကြီး Lieutenant General Chansamone CHANYALATH ၏ ဖိတ်ကြားချက်အရ လာအိုပြည်သူ့ ဒီမိုကရက်တစ်သမ္မတနိုင်ငံသို့ ချစ်ကြည်ရေးခရီးရောက်ရှိနေ သည့် တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်အား ယနေ့နံနက်ပိုင်းတွင် လာအိုကာကွယ်ရေး ၀န်ကြီးရုံး၌ ဂုဏ်ပြုတပ်ဖွဲ့ ဖြင့်ကြိုဆိုသည်။
-


အဆိုပါအခမ်းအနားသို့ တပ်မတော်ကာကွယ်ရေးဦးစီးချုပ်နှင့်အတူ  ကာကွယ်ရေး ဦးစီးချုပ်ရုံး(ကြည်း) မှ ဒုတိယဗိုလ်ချုပ်ကြီး သန်းထွန်းဦးနှင့် တပ်မတော်အရာရှိကြီးများ၊ လာအိုနိုင်ငံဆိုင်ရာမြန်မာနိုင်ငံ သံအမတ်ကြီး ဦးကိုကိုနိုင်၊ မြန်မာစစ်သံ(ကြည်း၊ရေ၊ လေ) ဗိုလ်မှူးကြီး ကျော်ကျော်မင်းတို့ တက်ရောက်ကြပြီး လာအိုအမျိုးသားကာကွယ်ရေး ၀န်ကြီးနှင့်အတူလာအိုတပ်မတော်မှ အရာရှိကြီး များ တက်ရောက်ကြသည်။
-
ဦးစွာ တပ်မတော်ကာကွယ်ရေးဦးစီးချုပ်နှင့်အဖွဲ့ဝင်များသည် အခမ်းအနားကျင်းပ ပြုလုပ်မည့် လာအို ကာကွယ်ရေးဝန်ကြီးရုံးသို့ရောက်ရှိရာ  လာအိုအမျိုးသား ကာကွယ်ရေး ၀န်ကြီးက ကြိုဆိုနှုတ်ဆက် သည်။       ယင်းနောက် တပ်မတော်ကာကွယ်ရေး ဦးစီးချုပ်နှင့် လာအိုနိုင်ငံအမျိုးသား ကာကွယ်ရေး ၀န်ကြီးတို့သည် ဂုဏ်ပြုတပ်ဖွဲ့၏ အလေးပြုခြင်း ကိုခံယူပြီး ဂုဏ်ပြုတပ်ဖွဲ့အား စစ်ဆေးသည်။


-
ထို့နောက် တပ်မတော်ကာကွယ်ရေး ဦးစီးချုပ်နှင့် လာအိုနိုင်ငံ အမျိုးသား ကာကွယ်ရေးဝန်ကြီးတို့သည် နှစ်နိုင်ငံတပ်မတော် အရာရှိကြီးများနှင့် အပြန်အလှန် မိတ်ဆက်ပေးကြပြီး အမှတ်တရ စုပေါင်းဓာတ်ပုံရိုက်ကူးကြသည်။ ယင်းနောက်တပ်မတော် ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်နှင့် လာအိုအမျိုးသား ကာကွယ်ရေးဝန်ကြီး Lieutenant General Chansamone CHANYALATH တို့သည်ဝန်ကြီးရုံးဧည့်ခန်းမ၌ တွေ့ဆုံဆွေးနွေးကြသည်။
-


ထိုသို့တွေ့ရာတွင် တပ်မတော်ကာကွယ်ရေး ဦးစီးချုပ်က မြန်မာ-လာအိုနှစ်နိုင်ငံ သည်မိတ်ဆွေ ဟောင်း၊ မိတ်ဆွေကောင်းနိုင်ငံများဖြစ်ကြောင်း၊ နှစ်နိုင်ငံ တပ်မတော်နှစ်ရပ် အကြား ပူးပေါင်း ဆောင်ရွက်မှုများ ပိုမိုတိုးမြှင့် ဆောင်ရွက်နိုင်ရန် အတွက် ယခုကဲ့သို့ ချစ်ကြည်ရေးခရီး လာရောက်ခြင်း ဖြစ်ကြောင်း၊ နှစ်နိုင်ငံသည် ၁၉၅၅ ခုနှစ်ကတည်းက သံတမန်ဆက်ဆံရေးရှိခဲ့ပြီး အာဆီယံ အဖွဲ့သို့အတူတကွ ၀င်ရောက်ခဲ့သည့်နိုင်ငံများဖြစ် ကြောင်း၊ မိမိတို့နှစ်နိုင်ငံသည် ဖွံ့ဖြိုးဆဲနိုင်ငံများ ဖြစ်ပြီး နယ်စပ်ဒေသရှိတိုင်းရင်းသားများမှာ ယဉ်ကျေးမှု၊ ဓလေ့စရိုက်များတူညီမှုရှိကြကြောင်း၊ လာအိုမြန်မာ ချစ်ကြည်ရေးတံတား တည်ဆောက်ဖွင့်လှစ်ပြီး နှစ်နိုင်ငံကူးလူး ဆက်ဆံရေး ကိုဆောင်ရွက်လျက် ရှိသကဲ့သို့ နှစ်နိုင်ငံ ကုန်သွယ်ရေးကိုလည်း တိုးမြှင့်ဆောင်ရွက်ရန် လိုကြောင်း၊ ထို့အတူ နယ်စပ်ဒေသတည်ငြိမ် အေးချမ်းရေးနှင့် မူးယစ်ဆေးဝါးကုန်သွယ်မှုများ ပပျောက်ရေးအတွက် နှစ်နိုင်ငံနှင့် နှစ်နိုင်ငံ တပ်မတော်နှစ်ရပ်အကြား သတင်းများဖလှယ်၍ ပူးပေါင်းဆောင်ရွက်မှုများမြှင့် တင်ဆောင်ရွက်ရန်လိုကြောင်း ပြောကြားသည်။
-


ထို့နောက် လာအိုအမျိုးသား ကာကွယ်ရေးဝန်ကြီးက ယခုကဲ့သို့ချစ်ကြည်ရေးခရီးစဉ် များ လည်ပတ်ခြင်းနှင့် ဆွေးနွေးမှုများမှ တစ်ဆင့် နှစ်နိုင်ငံနှင့်နှစ်နိုင်ငံတပ်မတော်နှစ်ရပ် အကြား ချစ်ကြည်ရင်းနှီးမှုကိုပိုမိုတိုးတက်ကောင်းမွန်စေကြောင်း၊ မိမိတို့နှစ်နိုင်ငံသည် ရှေးယခင်ကတည်းက ချစ်ကြည်ရင်းနှီးမှုရှိခဲ့သည့် သမိုင်းအစဉ်အလာကောင်းများရှိခဲ့ပြီး ဆက်လက်တိုးမြှင့်ဆောင်ရွက် လျက်ရှိကြောင်း၊ ယခုအခါချစ်ကြည်ရင်းနှီးမှုပိုမိုတိုးတက် ကောင်းမွန်လာပြီဖြစ်သဖြင့် နှစ်နိုင်ငံအကျိုး ကိုဖြစ်ထွန်းစေကြောင်းပြောကြားသည်။
-


ယင်းနောက် နှစ်နိုင်ငံ တပ်မတော်နှစ်ရပ်အကြား ချစ်ကြည်ရင်းနှီးမှု တိုးမြှင့် ဆောင်ရွက်ရေးနှင့် ပူးပေါင်းဆောင်ရွက်ရေး၊ လေ့ကျင့်ရေးဆိုင်ရာများနှင့် ဆေးဘက်ဆိုင်ရာ နည်းပညာ အတွေ့ အကြုံများအပြန်အလှန်ဖလှယ်ရေး၊ တပ်မတော်နှစ်ရပ်အကြားအဆင့် အလိုက် ချစ်ကြည်ရေး ခရီးစဉ်များ အပြန်အလှန် လည်ပတ်ရေး၊ နယ်စပ်ဒေသ ကုန်သွယ်မှု တိုးမြှင့်ဆောင်ရွက်ရေး ဆိုင်ရာ ကိစ္စရပ်များအား ရင်းနှီးပွင့်လင်းစွာ အမြင်ချင်းဖလှယ် ဆွေးနွေးကြသည်။
-


တွေ့ဆုံပွဲအပြီးတွင် တပ်မတော်ကာကွယ်ရေး ဦးစီးချုပ်နှင့် လာအိုအမျိုးသား ကာကွယ်ရေးဝန်ကြီး တို့သည် အမှတ်တရ လက်ဆောင်ပစ္စည်းများ အပြန်အလှန်ပေးအပ် ကြသည်။ ၎င်းနောက် တပ်မတော် ကာကွယ်ရေးဦးစီးချုပ်သည် အညတရစစ်သည်ဗိမာန် သို့ရောက်ရှိပြီး ပန်းခွေချ အလေးပြုသည်။
-
ယင်းနောက် ညနေပိုင်းတွင် တပ်မတော်ကာကွယ်ရေးဦးစီးချုပ်သည် လာအိုအမျိုးသား ကာကွယ်ရေး ၀န်ကြီးဌာန၊ ဒုတိယ၀န်ကြီးနှင့် စစ်ဦးစီးဌာနအကြီးအကဲ Lieutenant General Souvone LEUANGBOUNMY အားလက်ခံတွေ့ဆုံ၍ နှစ်နိုင်ငံ တပ်မတော်နှစ်ရပ်အကြား အဆင့်လိုက် ခေါင်းဆောင်များ ချစ်ကြည်ရေးခရီးစဉ်များ အပြန်အလှန်လည်ပတ်၍ ဆက်ဆံမှု တိုးမြှင့်ဆောင်ရွက်ရေး၊ နှစ်နိုင်ငံနယ်စပ်ဒေသ တည်ငြိမ်အေးချမ်းရေးအတွက် ထိရောက်စွာ ပူးပေါင်းဆောင်ရွက်ရေး၊ လေ့ကျင့်ရေး ဆိုင်ရာများ၊ ဆေးဘက်နည်းပညာများနှင့် သဘာဝ ဘေးအန္တရာယ် ကာကွယ်ရေး ဆိုင်ရာ အတွေ့အကြုံများအား အပြန်အလှန်ဖလှယ်ရေး၊ တပ်မတော် အားကစားအဖွဲ့များ နှင့် ယဉ်ကျေးမှု အဖွဲ့များအပြန်အလှန်စေလွှတ်ရေးနှင့် တပ်မတော်နှစ်ရပ်အကြား ချစ်ကြည်ရင်းနှီးမှု ပိုမိုတိုးတက် ခိုင်မာစေရေး ဆိုင်ရာကိစ္စရပ်များအား ရင်းနှီးပွင့်လင်းစွာ အမြင်ချင်း ဖလှယ် ဆွေးနွေးကြသည်။
-


တွေ့ဆုံပွဲအပြီးတွင် တပ်မတော်ကာကွယ်ရေးဦးစီးချုပ်နှင့်လာအိုအမျိုးသား ကာကွယ်ရေးဝန်ကြီးဌာန၊ ဒုတိယ၀န်ကြီးနှင့် စစ်ဦးစီးဌာန အကြီးအကဲဖြစ်သူတို့သည် အမှတ်တရ လက်ဆောင်ပစ္စည်းများ အပြန်အလှန်ပေးအပ်ပြီး တက်ရောက်လာကြ သူများနှင့်အတူ စုပေါင်းဓာတ်ပုံရိုက်ကူးကြသည်။
-


ဆက်လက်၍ တပ်မတော်ကာကွယ်ရေးဦးစီးချုပ်နှင့် အဖွဲ့ဝင်များသည် လာအိုအမျိုးသား  တပ်မတော် အမှတ်(၄၉၇) တိုက်ခိုက်ရေး တပ်ရင်းသို့ ရောက်ရှိကြရာ တပ်ရင်းအကြီးအကဲ  ဗိုလ်မှူးကြီး အုဒုံအွန့်ဆပ်ဒါ နှင့် အရာရှိကြီးများကကြိုဆိုနှုတ်ဆက်ကြသည်။ ယင်းနောက် တပ်ရင်းအစည်းအဝေး ခန်းမတွင် တပ်ရင်းအကြီးအကဲက တပ်ရင်း၏သမိုင်းကြောင်းနှင့် ဖွဲ့စည်းထားရှိမှု အခြေအနေများနှင့် လာအိုပြည်သူများ သဘာဝဘေးအန္တရာယ် ကျရောက်ချိန်တွင် ကူညီဆောင်ရွက် ပေးမှုအခြေအနေ များအားရှင်းလင်းတင်ပြရာ တပ်မတော်ကာကွယ်ရေးဦးစီးချုပ်က တပ်မတော်သားများသည် နိုင်ငံတာ် ကာကွယ်ရေး တာဝန်သာမက ပြည်သူ့အကျိုးပြု လုပ်ငန်းများကို ဆောင်ရွက်ရမည်ဖြစ်ကြောင်း၊ မိမိတို့ မြန်မာ့တပ်မတော်တွင်လည်း တပ်မတော်သားများ အနေဖြင့် နိုင်ငံတော်ကာကွယ်ရေး တာဝန်များ သာမက ပြည်သူ့အကျိုးပြု လုပ်ငန်းများအား ဆောင်ရွက်ပေးလျက်ရှိကြောင်း၊ ယခုကဲ့သို့ ပြည်သူ များ၏အကျိုးစီးပွားကိုဆောင်ရွက်ပြီး မိမိတို့တပ်၏ ဂုဏ်ကိုမြှင့်တင်ရန် လိုအပ်ကြောင်း ရှင်းလင်း ပြောကြားသည်။
-




ထို့နောက် တပ်မတော်ကာကွယ်ရေးဦးစီးချုပ်နှင့်အဖွဲ့ဝင်များသည် တပ်ရင်းအကြီးအကဲ၊ တပ်ရင်းမှ အရာရှိများနှင့်အမှတ်တရ စုပေါင်းဓာတ်ပုံ ရိုက်ကူးကြသည်။ ယင်းနောက်  တပ်ရင်းမှ အကြမ်းဖက် နှိမ်နင်းရေး အရာရှိ၊ စစ်သည်များ၊ အမျိုသမီးစစ်သည်များ၏ သရုပ်ပြသမှုများ လာအိုပြည်သူ့ တပ်မတော်၏ အထူးစစ်နည်းဗျူဟာ လေ့ကျင့်ခန်းများ၊  ညတိုက်ပွဲဆင်နွှဲခြင်း လေ့ကျင့်ခန်း သရုပ်ပြသမှုအား ကြည့်ရှုအားပေးပြီး သရုပ်ပြသခဲ့သည့် အရာရှိ၊ စစ်သည်များနှင့် အမှတ်တရ စုပေါင်းဓာတ်ပုံ ရိုက်ကြသည်။ ယင်းနောက် တပ်မတော်ကာကွယ်ရေး ဦးစီးချုပ်က သရုပ်ပြသခဲ့သည့်အရာရှိ၊ စစ်သည်၊ စစ်သမီး များအား ဂုဏ်ပြုချီးမြှင့်ငွေများ ပေးအပ်ခဲ့ကြောင်း သတင်းရရှိသည်။
-
#မြ၀တီနေ့စဉ်သတင်းစာ