နေပြည်တော်၊ အောက်တိုဘာ - ၁၁
-
ဒုတိယတပ်မတော်ကာကွယ်ရေးဦးစီးချုပ် ကာကွယ်ရေးဦးစီးချုပ်(ကြည်း) ဒုတိယဗိုလ်ချုပ်မှူးကြီး စိုးဝင်းသည် ကုလသမဂ္ဂ အထွေထွေ အတွင်းရေးမှူးချုပ်၏ မြန်မာနိုင်ငံဆိုင်ရာ အထူးကိုယ်စားလှယ် Ms. Christine Schraner Burgener အား ယနေ့မွန်းလွဲပိုင်းတွင် နေပြည်တော်ရှိ ဘုရင့်နောင်ရိပ်သာ ဧည့်ခန်းမ ဆောင်၌ လက်ခံတွေ့ဆုံသည်။
-
အဆိုပါတွေ့ဆုံပွဲသို့ ဒုတိယတပ်မတော်ကာကွယ်ရေး ဦးစီးချုပ် ကာကွယ်ရေးဦးစီး ချုပ်(ကြည်း)နှင့် အတူ ကာကွယ်ရေးဦးစီးချုပ်ရုံး(ကြည်း)မှ တပ်မတော် အရာရှိကြီးများ တက်ရောက်ကြပြီး ကုလသမဂ္ဂအထွေထွေ အတွင်းရေးမှူးချုပ်၏ မြန်မာနိုင်ငံဆိုင်ရာ အထူး ကိုယ်စားလှယ်နှင့်အတူ အကြီးတန်း နိုင်ငံရေးအရာရှိ Mr. Jung Hwan Lee နှင့် တာဝန်ရှိသူတို့ တက်ရောက်ကြသည်။
-
ထိုသို့တွေ့ဆုံရာတွင် ရခိုင်ပြည်နယ် အရေးကိစ္စ နှင့်ပတ်သက်၍ လွတ်လပ်သော စုံစမ်းစစ်ဆေးရေး ကော်မရှင်အဖွဲ့ဖြင့် အမှန်တရားများကို ဖော်ထုတ်ပြီး နိုင်ငံတကာက သိရှိအောင် ဆောင်ရွက် နေမှုအခြေအနေများ၊ အရွယ်မရောက်သူကလေးသူငယ်များ စစ်မှုထမ်းဆောင်ခြင်းနှင့်ပတ်သက်၍ ကုလသမဂ္ဂနှင့်နောက်ဆုံးဆက်သွယ်ဆောင်ရွက် နေမှုအခြေအနေများ၊ ရခိုင်ဒေသပြန်လည် ဖွံ့ဖြိုးတိုးတက်ရေးအတွက် နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် ဦးဆောင်၍ ရခိုင်ပြည်နယ် တည်ငြိမ် အေးချမ်းမှုနှင့်ဖွံ့ဖြိုးမှု တိုးတက်ရေး အကောင်အထည်ဖော်ရေး ဗဟိုကော်မတီ ဖွဲ့စည်း၍ ဆောင်ရွက်နေမှု အခြေအနေများ၊ ၂၀၁၇ခုနှစ် ၊သြဂုတ်လ ဖြစ်စဉ်နောက်ပိုင်း ရခိုင်ပြည်နယ် မြောက်ခြမ်း၌ လုံခြုံရေးဆောင်ရွက်နေမှု အခြေအနေများ၊ ဘင်္ဂါလီများအပေါ် နိုင်ငံသား စိစစ်ရေးဆောင်ရွက်ပေးနေမှု အခြေအနေများ၊ ရခိုင်ပြည်နယ်၏ နောက်ဆုံး အခြေအနေနှင့် အနာဂတ်အခြေအနေများ၊ တပ်မတော်အနေဖြင့် ငြိမ်းချမ်းရေး မူဝါဒ(၆)ရပ် နှင့်အညီ ထာဝရငြိမ်းချမ်းရေး ရရှိအောင် နိုင်ငံတော်အစိုးရ၊ တိုင်းရင်းသား လက်နက်ကိုင်အဖွဲ့အစည်းများနှင့် ပူးပေါင်းဆောင်ရွက်နေမှု အခြေအနေများ၊ ပါတီစုံ ဒီမိုကရေစီ စနစ်ကျင့်သုံးနေချိန် တိုင်းရင်းသား လက်နက်ကိုင် အဖွဲ့အစည်းများအနေဖြင့် မိမိတို့၏ လိုအင်ဆန္ဒများကို လက်နက်စွဲကိုင်ပြီး တောင်းဆို၍ မရရှိနိုင်မှုအခြေအနေ များအား အပြန်အလှန် အမြင်ချင်းဖလှယ် ဆွေးနွေးကြပြီး ကုလသမဂ္ဂအထွေထွေ အတွင်းရေးမှူးချုပ်၏ မြန်မာနိုင်ငံဆိုင်ရာ အထူးကိုယ်စားလှယ်က မြန်မာနိုင်ငံ၏ အခြေအနေ များနှင့်ပတ်သက်၍ ဖြစ်စဉ်ဖြစ်ရပ်မှန်များကို နိုင်ငံတကာကို သိရှိအောင် ပူးပေါင်းဆောင်ရွက် သွားမည့် အခြေအနေများ အား ပြန်လည်ဆွေးနွေးပြောကြားသည်။
-
တွေ့ဆုံပွဲအပြီးတွင် ဒုတိယတပ်မတော်ကာကွယ်ရေးဦးစီးချုပ် ကာကွယ်ရေးဦးစီးချုပ်(ကြည်း) ဒုတိယဗိုလ်ချုပ်မှူးကြီး စိုးဝင်းနှင့် ကုလသမဂ္ဂ အထွေထွေ အတွင်းရေးမှူး ချုပ်၏ မြန်မာနိုင်ငံဆိုင်ရာ အထူးကိုယ်စားလှယ် Ms. Christine Schraner Burgener တို့သည် တက်ရောက်လာကြသူများနှင့်အတူ အမှတ်တရ စုပေါင်းဓာတ်ပုံ ရိုက်ခဲ့ကြကြောင်း သတင်းရရှိသည်။
#မြ၀တီနေ့စဉ်သတင်းစာ
No comments:
Post a Comment