နေပြည်တော် အောက်တိုဘာ ၁၆
-
မကွေးတိုင်းဒေသကြီး၊ မင်းဘူးမြို့နယ်၊ သနပ်ပင်စုကျေးရွာအနီးနှင့် မင်းဘူးမြို့တောင်ဘက် ဆားဗွက်ချောင်း တံတားအနီးတို့တွင် ယနေ့နံနက်ပိုင်းက မကွေးလေတပ် စခန်းဌာနချုပ်မှ လေ့ကျင့်ပျံသန်းလျက်ရှိသော အက်ဖ်-၇ လေယာဉ်နှစ်စင်း ရာသီဥတုဆိုးရွားမှု ကြောင့် ပျက်ကျမှု ဖြစ်ပွားခဲ့သည်။
-
အဆိုပါဖြစ်စဉ်တွင် လေယာဉ်မှူးနှစ်ဦး ကျဆုံးခဲ့ပြီး လေယာဉ်အပိုင်းအစများ ထိမှန် ခြင်းကြောင့် မင်းဘူးမြို့နေ ဦးဖိုးဖြူ၏ သမီး မသွယ်ဇင်ငြိမ်းနှင့် ဦးအောင်ဟန်၏သား မောင်ဟိန်းထက်အောင်တို့တွင် ဒဏ်ရာများ ရရှိကာ မင်းဘူးမြို့ ပြည်သူ့ဆေးရုံသို့ ပို့ဆောင် ဆေးကုသမှု ခံယူစေခဲ့ရာ မသွယ်ဇင်ငြိမ်းမှာ နံနက် ၈ နာရီ မိနစ် ၄ဝ ခန့်တွင် သေဆုံး သွားခဲ့သည်။
-
ဖြစ်စဉ်တွင် ပါဝင်သွားသော လေယာဉ်မှူးနှစ်ဦး၏ မိသားစုများ၊ မသွယ်ဇင်ငြိမ်း၏ မိဘများနှင့် မောင်ဟိန်းထက်အောင်တို့၏ မိဘများထံသို့ ယနေ့နေ့လယ်ပိုင်းတွင် အလယ် ပိုင်းတိုင်း စစ်ဌာနချုပ် တိုင်းမှူး ဗိုလ်မှူးချုပ် ကျော်စွာလင်း၊ မကွေးတိုင်းဒေသကြီး၊ လုံခြုံ ရေးနှင့် နယ်စပ်ရေးရာဝန်ကြီး ဗိုလ်မှူးကြီး မင်းဦးတို့က သွားရောက်အားပေးစကား ပြောကြားပြီး ထောက်ပံ့ငွေများ ပေးအပ်ခဲ့ကြောင်း သတင်းရရှိသည်။
-
(၁ဝဝ)
-
#မြ၀တီနေ့စဉ်သတင်းစာ
No comments:
Post a Comment