နိုင်ငံတော်သမ္မတ ဦးဝင်းမြင့် အာဆီယံ ခေါင်းဆောင်များ စုဝေးပွဲသို့ တက်ရောက်ရန် အင်ဒိုနီးရှားနိုင်ငံသို့ ထွက်ခွာ

နေပြည်တော် အောက်တိုဘာ ၁၁

-

ပြည်ထောင်စုသမ္မတ မြန်မာနိုင်ငံတော် နိုင်ငံတော်သမ္မတ ဦးဝင်းမြင့်သည်  အင်ဒိုနီးရှားသမ္မတ နိုင်ငံသမ္မတ မစ္စတာ ဂျိုကိုဝီဒိုဒို ၏ ဖိတ်ကြားချက်အရ အင်ဒိုနီးရှား သမ္မတနိုင်ငံ ဘာလီကျွန်း၌ ကျင်းပမည့် အာဆီယံ ခေါင်းဆောင်များ စုဝေးပွဲ (ASEAN Leaders´ gathering) သို့တက်ရောက်ရန် ယနေ့ နံနက် ၇ နာရီတွင်  အထူးလေယာဉ်ဖြင့် နေပြည်တော်မှ  အင်ဒိုနီးရှား သမ္မတနိုင်ငံသို့ ထွက်ခွာသည်။

-

နိုင်ငံတော်သမ္မတ ဦးဆောင်သည့် အဖွဲ့ဝင်များအား ဒုတိယသမ္မတ ဦးမြင့်ဆွေ၊  ဒုတိယတပ်မတော် ကာကွယ်ရေးဦးစီးချုပ် ကာကွယ်ရေးဦးစီးချုပ်(ကြည်း) ဒုတိယဗိုလ်ချုပ်မှူးကြီး စိုးဝင်း၊ ပို့ဆောင်ရေးနှင့် ဆက်သွယ်ရေးဝန်ကြီး ဌာန ပြည်ထောင်စုဝန်ကြီး ဦးသန့်စင်မောင်၊ နေပြည်တော်ကောင်စီဥက္ကဋ္ဌ   ဒေါက်တာ မျိုးအောင်၊ နေပြည်တော်တိုင်း စစ်ဌာနချုပ် တိုင်းမှူး ဗိုလ်ချုပ်မြင့်မော်၊ သမ္မတရုံး ဝန်ကြီးဌာန ဒုတိယဝန်ကြီး ဦးမင်းသူ၊ နေပြည်တော်ကောင်စီဝင် ဗိုလ်မှူးကြီးမင်းနောင်၊  မြန်မာနိုင်ငံ ရဲတပ်ဖွဲ့  ရဲချုပ် ဒုတိယရဲဗိုလ်ချုပ်ကြီး အောင်ဝင်းဦး၊ မြန်မာနိုင်ငံဆိုင်ရာ အင်ဒိုနီးရှား သမ္မတနိုင်ငံ သံအမတ်ကြီး H.E. Prof. Dr.IzaFadri နှင့် ဇနီးနှင့် တာဝန်ရှိသူများက  နေပြည်တော် အပြည်ပြည် ဆိုင်ရာ လေဆိပ်၌ ပို့ဆောင်နှုတ်ဆက်ကြသည်။

-

နိုင်ငံတော်သမ္မတနှင့်အတူ စီးပွားရေးနှင့် ကူးသန်းရောင်းဝယ်ရေး ဝန်ကြီးဌာန  ပြည်ထောင်စုဝန်ကြီး ဒေါက်တာသန်းမြင့်၊ အမြဲတမ်း အတွင်းဝန်များ ဖြစ်ကြသည့် ဦးခင်လတ်၊ ဦးမြင့်သူနှင့် ဦးထွန်းထွန်းနိုင် ၊ နိုင်ငံခြားရေး ဝန်ကြီးဌာနမှ  အဆင့်မြင့် အရာရှိကြီးများနှင့် တာဝန်ရှိသူများ လိုက်ပါသွားကြသည်။

-

နိုင်ငံတော်သမ္မတ၏ ခရီးစဉ်တွင် အဖွဲ့ဝင်အဖြစ် ပါရှိသည့် စီမံကိန်းနှင့် ဘဏ္ဍာရေးဝန်ကြီး ဌာန ပြည်ထောင်စုဝန်ကြီး  ဦးစိုးဝင်းသည် အပြည်ပြည်ဆိုင်ရာ ငွေကြေးရန်ပုံငွေအဖွဲ့နှင့် ကမ္ဘာ့ဘဏ်အုပ်စုတို့၏ နှစ်ပတ်လည် အစည်းအဝေးများ တက်ရောက်ရန် အောက်တိုဘာ ၁ဝ ရက်က အင်ဒိုနီးရှားနိုင်ငံသို့ ကြိုတင် ထွက်ခွာသွားပြီဖြစ်သည်။

-

(သတင်းစဉ်)

#မြ၀တီနေ့စဉ်သတင်းစာ