တပ်မတော်၊ ဌာနဆိုင်ရာများနှင့်လူမှုရေးအသင်းအဖွဲ့များက စီစဉ်ပေးသည့် မော်တော်ယာဉ်များဖြင့် ထိုင်းနိုင်ငံမှပြန်လည်ရောက်ရှိလာသည့် ရွှေ့ပြောင်းမြန်မာအလုပ်သမားများအားပို့ဆောင်ပေးစဉ်။
ထိုင်းနိုင်ငံမှ ပြန်လည်ရောက်ရှိလာသည့် ရွှေပြောင်းမြန်မာအလုပ်သမားများကိုတွေ့ရစဉ်။
နေပြည်တော် ၇-၇-၂၀၁၇
ဇွန် ၂၉ ရက်မှစ၍ ထိုင်းနိုင်ငံမှရွှေ့ပြောင်း မြန်မာအလုပ်သမားများ ပြန်လည်ဝင်ရောက် လျက်ရှိရာ ယနေ့အထိ မြဝတီနယ်စပ်ဂိတ်မှ ၂၅၈၂၉ ဦး၊ ဘုရားသုံးဆူနယ်စပ်ဂိတ်မှ ၃၅၈၄ ဦး၊ စုစုပေါင်း ၂၉၄၁၃ ဦး ဝင်ရောက်ခဲ့သည့် အနက် ၂၇၅ဝ၃ ဦးမှာ ၎င်းတို့၏ အစီအစဉ်ဖြင့် နေရပ်အသီးသီးသို့ ထွက်ခွာသွားခဲ့သဖြင့် ၁၉၁ဝ ဦးအား နယ်မြေခံ တပ်မတော်သားများ၊ လူမှုအဖွဲ့အစည်းများ၊ ဌာနဆိုင်ရာများ ပူးပေါင်း၍ မော်တော်ယာဉ်များ စီစဉ်ပေးခြင်း၊ ကျန်းမာရေး စောင့်ရှောက်ပေးခြင်းနှင့် သက်ဆိုင်ရာနေရပ်များသို့ စနစ်တကျရောက်ရှိရေး စီစဉ်ဆောင်ရွက်ပေး လျက်ရှိသည်။
ထိုသို့ဆောင်ရွက် ပေးလျက်ရှိရာ ဇူလိုင် ၅ ရက် ညနေ ၃ နာရီမှ ယနေ့ ညနေ ၃ နာရီအထိ မြဝတီနှင့် ဘုရားသုံးဆူ နယ်စပ်ဂိတ်အသီးသီးမှ ဝင်ရောက်လာသူ ၁၇၈၁ ဦးရှိသည့်အနက် ၁၄၂၄ ဦးမှာ ၎င်းတို့အစီအစဉ်ဖြင့် နေရပ် ပြန်သွားခဲ့ပြီး နေရပ်ပြန်ရန် အခက်အခဲရှိသည့် ၃၅၇ ဦးတို့အား တပ်မတော်မှ မော်တော်ယာဉ်ခြောက်စီး၊ မြဝတီခရိုင်နှင့် မြို့နယ်အဆင့်ဌာနဆိုင်ရာများ၊ ဘုရားသုံးဆူမြို့နယ် အဆင့်ဌာနဆိုင်ရာများ၊ လူမှုရေး အသင်းအဖွဲ့များမှ စီစဉ်ပေးသည့် မော်တော်ယာဉ် ၂ဝ စီး၊ စုစုပေါင်း ၂၆ စီးဖြင့် အခမဲ့ပို့ဆောင် ပေးခဲ့ကြောင်းနှင့် စားသောက်ဖွယ်ရာများ စီစဉ်ပေးပြီး ကျန်းမာရေးစောင့်ရှောက်မှု လုပ်ငန်းများဆောင်ရွက်ပေးရာ အူမကြီး ကင်ဆာရောဂါရှင် တစ်ဦးအား ဘုရားသုံးဆူမြို့မှ မော်လမြိုင်မြို့ရှိ တပ်မတော်ဆေးရုံသို့ လူနာတင်ယာဉ်ဖြင့် ပို့ဆောင်ကုသပေးခဲ့သည်။
ထို့ပြင် မြဝတီမြို့မှ သထုံမြို့သို့ ပို့ဆောင်ထားသည့် ရွှေ့ပြောင်းအလုပ်သမား ၁၆ဝ ဦးကိုလည်း တပ်မတော်မှ မော်တော်ယာဉ် ခြောက်စီးဖြင့် ရန်ကုန်မြို့သို့ ဆက်လက် ပို့ဆောင်ပေးခဲ့သည်။
အလားတူ ရွှေ့ပြောင်းအလုပ်သမားများ ထပ်မံဝင်ရောက်လာပါက မော်တော်ယာဉ်၊ စားသောက်ဖွယ်ရာနှင့် ကျန်းမာရေးစောင့် ရှောက်မှုများ အသင့်ရှိစေရေးအတွက် တပ်မတော်၊ ဌာနဆိုင်ရာများ၊ လူမှုရေးအသင်းအဖွဲ့များ ပူးပေါင်းစီစဉ် ဆောင်ရွက်ထားရှိကြောင်း သတင်းရရှိသည်။
#Themyawadydaily
No comments:
Post a Comment