မုံရွာ ၊ ၅-၅-၂၀၁၃
စစ်ကိုင်းတိုင်း ဒေသကြီး ၀န်ကြီးချုပ်
ဦးသာအေး သည် တိုင်းဒေသကြီး အစိုးရ အဖွဲ့ဝင် ၀န်ကြီးများ ၊ တိုင်းဒေသကြီး အဆင့် ဌာနဆိုင်ရာ
အကြီးအကဲများ လိုက်ပါလျှက် မေလ ၃ ရက်နေ့ နံနက်ပိုင်းက မုံရွာမြို့ ပြည်သူ့ အားကစားကွင်း
လေပြင်း တိုက်ခတ်မှု ကြောင့် အထူး ပွဲကြည့်စင် ခေါင်မိုးများ ပျက်စီးမှု ၊ ရတနာပုံ ရပ်ကွက်ရှိ
အမှတ်(၁၃) အခြေခံ ပညာ မူလတန်းကျောင်း ၊ ကျောင်းဆောင် ပျက်စီးမှု ၊ သလ္လာ ရပ်ကွက် အမှတ်(၁၄)
အခြေခံ ပညာ မူလတန်းကျောင်း ၊ ၂ ထပ် ကျောင်းဆောင်သစ် အမိုးများ ပျက်စီးမှု တို့ကို ကြည့်ရှု
စစ်ဆေးပြီး လိုအပ်သည်များ ကို တာဝန်ရှိ သူများနှင့် ပေါင်းစပ် ညှိနှိုင်း ဆောင်ရွက်
ပေးခဲ့ကြောင်း သိရသည်။
ဆက်လက်ပြီး တိုင်းဒေသကြီး ၀န်ကြီးချုပ်
နှင့် တာဝန်ရှိ သူများသည် မုံရွာမြို့တွင် လမ်းဘေး ၀ဲ - ယာ သစ်ပင်များ ၊ လျှပ်စစ် ဓာတ်မီးတိုင်
များ ၊ ဓာတ်ကြိုးများ ၊ တယ်လီဖုန်း တိုင်များ ၊ ကြိုးများ လဲကျ ပျက်စီးနေမှု အခြေအနေ
များကို ကြည့်ရှု စစ်ဆေးကာ အပျက်အစီး များကို ဖယ်ရှား ရှင်းလင်းပြီး အမြန်ဆုံး ပြုပြင်
တင်ဆင်နိုင်ရန် ဌာနဆိုင်ရာ များမှ တာဝန်ရှိ သူများကို မှာကြား ခဲ့ကြောင်း သိရှိရသည်။
No comments:
Post a Comment