အင်းနယ်နိမိတ် မြေပုံများ တိကျစွာ ထုတ်ပြန်ပေးရန် လိုအပ်

-

ပုသိမ်  ဒီဇင်ဘာ   ၁၉ 

-

ဧရာဝတီတိုင်း ဒေသကြီးရှိ ရေချိုအင်း များ၏ အင်းနယ်နိမိတ်သတ်မှတ်ချက် မြေပုံ များကို တိကျမှန်ကန်စွာ ထုတ်ပြန် ပေးရန်  လိုအပ်ကြောင်း မွေးမြူရေး လုပ်ငန်းရှင်များ ထံမှ သိရသည်။ ''အင်းတွေရဲ့ အတိုင်းအတာကို သိဖို့လို ပါတယ်။   ရေချိုငါးလုပ်ငန်းဥပဒေအတိုင်း နယ်နိမိတ်သတ်မှတ်ပေးဖို့လိုပါတယ်။ လုပ်ငန်း ရှင်တွေအနေနဲ့ ဒီအချက်အလက်တွေကို သိရင် ဘယ်နေရာမှာ ဘယ်လောက်မွေးမြူ ထုတ်လုပ်နိုင်မယ် ဆိုတာကို တိုင်းတာ ကြည့်ပြီး ပြည်ပ ရင်းနှီးမြှုပ်နှံသူတွေသိအောင်  ပြော နိုင်မှာပါ'' ဟု ဧရာဝတီတိုင်း ဒေသကြီးမှ မွေးမြူရေး လုပ်ငန်းရှင် ဦးထွန်းထွန်းဦးက ပြောသည်။ 

-

လက်ရှိ လိုင်စင်ဖြင့်လုပ်ကိုင်ခွင့်ပြုထားသော ငါးလုပ်ငန်းရေပြင်ကို သက်ဆိုင်ရာ ဦးစီးဌာနက  ဂရန်အင်း၊  သီးသန့်အင်း အဖြစ် သတ်မှတ်ထားသည်။ ဂရန်အင်းများမှအပ တခြားရေချိုငါးလုပ်ငန်း  ရေပြင်တစ်ခုခု၌ ငါးလုပ်ငန်း လုပ်ကိုင် လိုသူသည် သတ်မှတ် သည့်နည်းလမ်းများနှင့်အညီ ငါးဖမ်းကိရိယာ လိုင်စင်ခ ပေးဆောင်ခြင်းဖြင့်ဖြစ်စေ၊ တင်ဒါ လိုင်စင် ထုတ် ပေးခြင်းဖြင့်ဖြစ်စေ အိတ်ဖွင့် တင်ဒါဈေးနှုန်း တင်သွင်း၍ လိုင်စင်ရယူ ဆောင်ရွက်နိုင်ကြောင်း သိရသည်။ စိုက်ပျိုးရေး၊ မွေးမြူရေးနှင့် ဆည်မြောင်း ဝန်ကြီးဌာန၏ နိုင်ငံမြေစာရင်းလက်စွဲ ဥပဒေ အပိုဒ် ၁၄၆၅ နှင့်‌ ဥပဒေ အမှတ် (၁/၉၁)ဖြင့်‌ ပြဋ္ဌာန်းထားသည့် ရေချိုငါးလုပ်ငန်းဥပဒေ အခန်း(၁) အပိုဒ်(၂) အပိုဒ်ခွဲ (ဋ)နှင့်‌ (ဌ)ပါ ပြဋ္ဌာန်းချက် များနှင့်အညီ အင်းနယ်နိမိတ် များကို တိကျစွာ သတ်မှတ်ပေး ရန် လိုအပ်နေ ကြောင်း သိရသည်။ 

-

ယခုကဲ့သို့ အင်းနယ်နိမိတ် သတ်မှတ်ပေးနိုင်ရန် အင်းနယ်နိမိတ်ကို ငါးလုပ်ငန်းဦးစီး ဌာနမှ ပြသပေးပြီး နယ်နိမိတ် တိုင်းတာခြင်း၊ မြေပုံရေးဆွဲထုတ်လုပ်ခြင်း၊ မှတ်တမ်းတင်ခြင်း တို့ကို လယ်ယာမြေ စီမံခန့်ခွဲရေးနှင့်‌ စာရင်း အင်းဦးစီး ဌာနက   ဆောင်ရွက်ရကြောင်း ဧရာဝတီ တိုင်း ဒေသကြီးရှိ မွေးမြူရေးလုပ်ငန်းရှင် ဦးမင်းနိုင်ဦးကပြောသည်။ ၂ဝ၁၈-၂ဝ၁၉ ဘဏ္ဍာနှစ်တွင် အင်းနယ်နိမိတ် တိုင်းတာခြင်း လုပ်ငန်းအတွက် လျာထား ဘဏ္ဍာငွေ တောင်းခံထားခြင်း မရှိသေးသဖြင့် လတ်တလောတွင် ဆောင်ရွက်ပေး နိုင်ခြင်း မရှိသော်လည်း ၂ဝ၁၉-၂ဝ၂ဝ ဘဏ္ဍာ နှစ်တွင် အကောင် အထည် ဖော်ဆောင်ရွက် မည်ဖြစ်ကြောင်း သိရသည်။ 

-

သုသု

-

#မြ၀တီနေ့စဉ်သတင်းစာ