နိုင်ငံတည်ငြိမ်အေးချမ်းရေး၊ လုံခြုံရေးနှင့်ဖွံ့ဖြိုးတိုးတက်ရေးအတွက် နိုင်ငံရေး၊ စီးပွားရေး၊ အုပ်ချုပ်ရေး၊ ကာကွယ်ရေး အမြင်(၄)မြင်ဖြင့် ကျယ်ကျယ်ပြန့်ပြန့် နှိုင်းယှဉ်စဉ်းစားလေ့လာသုံးသပ်ကြရန်လို

နေပြည်တော်၊ အောက်တိုဘာ - ၈

-

နိုင်ငံတည်ငြိမ်အေးချမ်းရေး၊ လုံခြုံရေးနှင့် ဖွံ့ဖြိုးတိုးတက်ရေး အတွက် နိုင်ငံရေး၊ စီးပွားရေး၊ အုပ်ချုပ်ရေး၊ ကာကွယ်ရေး အမြင်(၄)မြင်ဖြင့် ကျယ်ကျယ်ပြန့်ပြန့်နှိုင်းယှဉ် စဉ်းစား aလ့လာသုံးသပ်ကြရန် လိုကြောင်းဖြင့် တပ်မတော် ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်သည်  နိုင်ငံတော် ကာကွယ်ရေးတက္ကသိုလ်ရှိ သင်တန်းသား အရာရှိကြီးများအား ယနေ့နံနက်ပိုင်းတွင် နိုင်ငံတော် ကာကွယ်ရေးတက္ကသိုလ်ရှိ သင်တန်းခန်းမ၌ တွေ့ဆုံ အမှာစကားပြောကြားရာ၌ ထည့်သွင်းပြောကြားသည်။ 

-

အဆိုပါ တွေ့ဆုံပွဲသို့ ဒုတိယ တပ်မတော် ကာကွယ်ရေးဦးစီးချုပ် ကာကွယ်ရေးဦးစီးချုပ် (ကြည်း) ဒုတိယဗိုလ်ချုပ်မှူးကြီး စိုးဝင်း၊ ပြည်ထောင်စု ၀န်ကြီးများဖြစ်ကြသည့် ဒုတိယ ဗိုလ်ချုပ်ကြီး ကျော်ဆွေ၊ ဒုတိယဗိုလ်ချုပ်ကြီး စိန်ဝင်း၊ ဒုတိယဗိုလ်ချုပ်ကြီး ရဲအောင်၊ ညှိနှိုင်း ကွပ်ကဲရေးမှူး(ကြည်း၊ရေ၊လေ) ဗိုလ်ချုပ်ကြီး မြထွန်းဦး၊ ကာကွယ်ရေးဦးစီးချုပ်(ရေ) ဗိုလ်ချုပ်ကြီး တင်အောင်စန်း၊ ကာကွယ်ရေး ဦးစီးချုပ်(လေ) ဗိုလ်ချုပ်ကြီး မောင်မောင်ကျော်၊ ကာကွယ်ရေး ဦးစီးချုပ်ရုံးမှ တပ်မတော် အရာရှိကြီးများ၊ တိုင်းမှူး၊ တပ်မမှူးများ၊ နိုင်ငံတော်ကာကွယ်ရေး တက္ကသိုလ်မှ သင်တန်းသား အရာရှိကြီးများ တက်ရောက်ကြသည်။

-

ထိုသို့တွေ့ဆုံ အမှာစကားပြောကြားရာတွင် ယခု ပါတီစုံဒီမိုကရေစီ လမ်းကြောင်း ပေါ်လျှောက်လှမ်း နေချိန်၌ မိမိတို့ တပ်မတော်သားများအနေဖြင့် ဥပဒေအားနားလည် သိရှိပြီးလိုက်နာ ဆောင်ရွက်ရန် လိုအပ်ကြောင်း၊ ထို့အတူ ဗဟုသုတအသိပညာများ တိုးပွားစေရန်နှင့် ကျယ်ကျယ် ပြန့်ပြန့်စဉ်းစား နိုင်စေရန်အတွက်လည်း စာဖတ်ရန်လိုကြောင်း၊ သင်တန်းတက်ရောက်နေစဉ် ကာလအတွင်း နိုင်ငံရေးအမြင်၊ စီးပွားရေးအမြင်၊ ကာကွယ်ရေးအမြင်၊ အုပ်ချုပ်ရေးအမြင်စသည့် အမြင်(၄)မြင်အား နိုင်ငံတကာ အခြေအနေများနှင့် ပေါင်းစပ်လေ့လာသွားရန် လိုအပ်ကြောင်း၊ တစ်နိုင်ငံနှင့်တစ်နိုင်ငံ၊ တပ်မတော်တစ်ရပ်နှင့် တစ်ရပ် အုပ်ချုပ်မှုပုံစံများနှင့် စံသတ်မှတ်ချက်များ တူညီမှု မရှိကြောင်း၊ မိမိတို့နိုင်ငံ၏ ပကတိ အခြေအနေများ၊ တပ်မတော် အခြေအနေများနှင့် နေထိုင်သည့် လူမျိုးများ အပေါ်တွင် မူတည်ပြီး သတ်မှတ်ထားကြကြောင်း၊  မည်သည့်နိုင်ငံတွင်မဆို နိုင်ငံတကာ သတ်မှတ်ချက်များနှင့် ဆောင်ရွက်၍ မရသည့် အကြောင်းအရာများ ရှိကြောင်း၊ ထို့ကြောင့် မိမိတို့အနေဖြင့် အမြင်ကျယ်စေရန် အတွက် စစ်ရေး၊ စီးပွားရေး၊ ကာကွယ်ရေးနှင့် အုပ်ချုပ်ရေးပိုင်းဆိုင်ရာများအား စဉ်ဆက်မပြတ် လေ့လာနေရမည်ဖြစ်ကြောင်း၊ တပ်မတော်တွင် အရာရှိများအား အရာရှိငယ် ဘ၀မှစပြီး အရာရှိကြီးဖြစ်သည် အထိ တစ်ဆင့်ပြီး တစ်ဆင့်အခြေခံမှစ၍ အဆင့်မြင့် သင်တန်းများအထိ တာဝန် ထမ်းဆောင်သည့် အဆင့်နှင့်လျော်ညီသည့် သက်ဆိုင်ရာ သင်တန်းများအလိုက် သင်ကြား လေ့ကျင့်ပေးလျက်ရှိကြောင်း၊ တပ်ရင်းမှူး အဆင့်မှစ၍ သက်ဆိုင်ရာ ကွပ်ကဲမှုအလိုက် အုပ်ချုပ်ရေး အာဏာ၊ တရားစီရင်ရေး အာဏာနှင့် ဘဏ္ဍာရေးအာဏာများအား ပေးအပ်ထားပြီး ကဏ္ဍအလိုက် အဆင့်ဆင့်သော စီမံခန့်ခွဲမှု အတွေ့အကြုံများရရှိအောင် ဆောင်ရွက်ပေးထားကြောင်း ပြောကြားသည်။

-

နိုင်ငံရေးအမြင်နှင့်ပတ်သက်၍ ၁၉ ရာစုနှင့် ၂၀ ရာစုအတွင်းနိုင်ငံရေးစနစ် ပြောင်းလဲမှုများ အများဆုံး ဖြစ်ပေါ်လာကြောင်း၊ ဒီမိုကရေစီစနစ်ကျင့်သုံးလျက်ရှိသည့် နိုင်ငံများရှိသကဲ့သို့ ကွန်မြူနစ် အယူအဆများဖြင့် အုပ်ချုပ်လျက်ရှိသည့်နိုင်ငံများလည်း ရှိကြောင်း၊ မိမိတို့နိုင်ငံ လွတ်လပ်ရေး ကြိုးပမ်းမှုတွင် ရဲဘော်သုံးကျိပ်သည် လူငယ်များဖြင့် စတင်ဖွဲ့စည်းဆောင်ရွက်ခဲ့ကြကြောင်း၊ အဆိုပါလူငယ်များတွင် နိုင်ငံရေးအရ၀ါဒ ကွဲပြားသည့်လူများပါဝင်ခဲ့ကြောင်း၊ မိမိတို့တပ်မတော် အနေဖြင့် မည်သည့်နိုင်ငံရေးအယူအဆမှမပါဘဲ နိုင်ငံ့အရေး၊ အမျိုးသားနိုင်ငံရေးကိုသာဆောင်ရွက် နေကြောင်း၊  တပ်မတော်အနေဖြင့် အိမ်နီးချင်းနိုင်ငံများနှင့်ထာဝရတည်ငြိမ်အေးချမ်း အောင် ဆောင်ရွက်လျက်ရှိပြီး ခိုင်မာမှုရှိအောင်ဆောင်ရွက်လျက်ရှိကြောင်း၊ မြန်မာနိုင်ငံ၏ နိုင်ငံခြားရေးမူဝါဒမှာ လွတ်လပ်၍တက်ကြွသည့် နိုင်ငံခြားရေးမူဝါဒကိုကျင့်သုံးလျက်ရှိပြီး နိုင်ငံအားလုံးနှင့် မိတ်ဝတ် မပျက်ဆက်ဆံရေးရှိကြောင်း၊ မိမိတို့နိုင်ငံတွင် လွတ်လပ်ရေးရရှိသည့် အချိန်မှစ၍ နိုင်ငံရေးစနစ် ပြောင်းလဲမှုများဖြစ်ပေါ်ခဲ့ပြီး နိုင်ငံရေးအရတည်ငြိမ်မှု မရှိခဲ့ကြောင်း၊ ထို့ကြောင့်ယခုအချိန်တွင် နိုင်ငံရေးအရတည်ငြိမ်မှုရှိစေရန်အတွက် ပါတီစုံ ဒီမိုကရေစီလမ်းကြောင်းကို ခိုင်ခိုင်မာမာလျှောက်လှမ်း နိုင်ရန်ဆောင်ရွက်နေခြင်းဖြစ်ကြောင်း ရှင်းလင်းပြောကြားသည်။

-

ဆက်လက်ပြီးတိုင်းရင်းသားအရေးနှင့်ပတ်သက်၍ မိမိတို့နိုင်ငံတွင် တိုင်းရင်းသားလူမျိုး ၁၃၅ မျိုး ကျော်ရှိကြောင်း၊ တိုင်းရင်းသားအားလုံးအနေဖြင့် မြန်မာစိတ်မွေးပြီး စည်းစည်းလုံးလုံး ဆောင်ရွက်ကြ ရမည်ဖြစ်ကြောင်း၊ တိုင်းရင်းသားများအနေဖြင့် နိုင်ငံရေး အရသဘောထားကွဲလွဲမှုများရှိပါက မိမိတို့နိုင်ငံအနေဖြင့်နိုင်ငံရေးအရတည်ငြိမ်မှုရရှိမည် မဟုတ်ကြောင်း၊ အခြေခံဥပဒေတွင် မြန်မာနိုင်ငံ အတွင်းရှိ တိုင်းရင်းသားများအားလုံး တန်းတူအခွင့်အရေးပေးထားပြီး ဒေသဖွံ့ဖြိုးတိုးတက်ရေး အတွက်အတတ်နိုင်ဆုံး ဆောင်ရွက်ပေးလျက်ရှိကြောင်း၊ ငြိမ်းချမ်းရေးရရှိရန်အတွက်လည်း ဆောင်ရွက်ပေးနေကြောင်း၊ ဝေးလံခေါင်းပါးသည့်ဒေသများရှိ တိုင်းရင်းသားပြည်သူများအတွက် ပိုမိုအလေးထား ဆောင်ရွက်ပေးနေကြောင်း၊ ထို့အတူမိမိတို့နိုင်ငံအတွင်းနေထိုင်လျက်ရှိသည့် တိုင်းရင်းသားများအား တိုင်းရင်းသားအခွင့်အရေးများ အပြည့်အ၀ပေးထားသကဲ့သို့ နိုင်ငံသား ဖြစ်ခွင့်ရှိသူများကိုလည်း ဥပဒေနှင့်အညီအခွင့်အရေးများပေးထားကြောင်း၊ နိုင်ငံရေးသည် ကျယ်ပြန့်မှု များစွာရှိပြီး တိုင်းရင်းသားအရေး၊ နိုင်ငံ့အရေးနှင့် နိုင်ငံသားများ နှင့်ပတ်သက်သည့် အရေးကိစ္စရပ် များအားမိမိတို့အနေဖြင့်သိရှိနားလည်အောင်ဆောင်ရွက်ရမည် ဖြစ်ကြောင်းမှာကြားသည်။

-

ထို့နောက် နိုင်ငံရေးအမြင်တွင် နိုင်ငံတကာအရေးနှင့် ပတ်သက်၍ မိမိတို့အနေဖြင့် ကုလသမဂ္ဂ အဖွဲ့ဝင်နိုင်ငံ တစ်နိုင်ငံဖြစ်သကဲ့သို့ အာဆီယံအဖွဲ့ဝင်နိုင်ငံ တစ်နိုင်ငံ ဖြစ်ကြောင်း၊ အာဆီယံအဖွဲ့ဝင် နိုင်ငံများသည် ဘာသာမတူသည့် နိုင်ငံများရှိသော်လည်း တစ်နိုင်ငံနှင့် တစ်နိုင်ငံကူညီ ဆောင်ရွက်ပေး မှုများရှိသည်မှာ ထူးခြားချက်ပင်ဖြစ်ကြောင်း၊  ပထမကမ္ဘာစစ်နှင့် ဒုတိယကမ္ဘာစစ်များကြောင့် နိုင်ငံပေါင်းချုပ်အသင်းကြီးနှင့် ကမ္ဘာ့ကုလသမဂ္ဂအဖွဲ့ကြီး ပေါ်ပေါက်ခဲ့ကြောင်း၊ ကုလသမဂ္ဂကို ကိုလိုနီပြုနိုင်ငံများ၊ နိုင်ငံငယ်များက ပိုမိုအားကိုးခဲ့ကြကြောင်း၊ ပိုမို၍ထိရောက်စွာဆောင်ရွက်နိုင်ရန် EU, AU, တောင်အာရှ၊ အရှေ့အာရှ၊ အာဆီယံစသည့် ကမ္ဘာ့အဖွဲ့အစည်းများပေါ်ပေါက်လာကြောင်း၊ ကမ္ဘာပေါ်ရှိနိုင်ငံရေး အပြောင်း အလဲများကို လေ့လာ၍ မိမိတို့နိုင်ငံ၏နိုင်ငံရေးနှင့်ချိန်ထိုး လေ့လာ ရမည်ဖြစ်ကြောင်း၊ မိမိတို့နိုင်ငံသည်လွတ်လပ်၍ အချုပ်အခြာအာဏာပိုင်သည့်နိုင်ငံဖြစ်ပြီး အချုပ်အခြာအာဏာပိုင်ဆိုင်သည့် နိုင်ငံတစ်နိုင်ငံဆိုသည်မှာ အုပ်ချုပ်ခွင့်တရားဝင်ဖြစ်ခြင်း (Legitimacy of Rule) ဟုအဓိပ္ပါယ်ဖွင့်ဆိုပြီး အခြားနိုင်ငံတစ်ခု၏ သြဇာလွှမ်းမိုးမှုနှင့် ၀င်ရောက်စွက်ဖက်မှုကို လက်ခံရမည်ဆိုပါက အဆိုပါနိုင်ငံသည် အချုပ်အခြာအာဏာပိုင်ဆိုင်သည့် နိုင်ငံမဟုတ်ပါကြောင်းရှင်းလင်းပြောကြားသည်။

-

ယင်းနောက် စီးပွားရေးအမြင်နှင့်ပတ်သက်၍ စီးပွားရေးသည် နိုင်ငံတစ်ခု၏ အဓိက မောင်းနှင်အား ပင်ဖြစ်ကြောင်း၊ နိုင်ငံကြီးသည်ဖြစ်စေ၊ ငယ်သည်ဖြစ်စေ စီးပွားရေး အားကောင်းပါက အခြား နိုင်ငံများက လေးစားကြကြောင်း၊ စီးပွားရေး ကောင်းမွန်မှသာ တိုင်းပြည်ဖွံ့ဖြိုး တိုးတက်ကောင်းမွန် မည်ဖြစ်ကြောင်း၊ မိမိတို့နိုင်ငံ၏ စီးပွားရေးဆိုင်ရာ စာရင်းဇယား၊ အချက်အလက်များ တိကျ မှန်ကန်အောင်ဆောင်ရွက်ရမည်ဖြစ်ကြောင်း၊ မိမိတို့နိုင်ငံလူဦးရေ၏ ၃၀ ရာခိုင်နှုန်းသာ မြို့ပေါ်တွင်နေထိုင်၍ ၇၀ ရာခိုင်နှုန်းသည် ကျေးလက်ဒေသတွင် နေထိုင်ကြသူများဖြစ်ကြောင်း၊ မြို့နယ်ပေါင်း ၃၃၀ နှင့် ကျေးရွာပေါင်း ခြောက်သောင်းကျော်ရှိကြောင်း၊ ကျေးလက် ဒေသတွင်နေထိုင်ကြသူများသည် စိုက်ပျိုးရေးကို အဓိကထား ဆောင်ရွက်ကြသူများဖြစ်သဖြင့် လက်ရှိအခြေအနေတွင်စိုက်ပျိုးရေးကိုအခြေခံ၍ ခေတ်မီနည်းပညာများဖြင့် ကုန်ချောများ ထွက်ရှိအောင်ဆောင်ရွက်ပြီး ပြည်ပနိုင်ငံများသို့ တင်ပို့ရောင်းချနိုင်ရမည်ဖြစ်ကြောင်း၊  ထို့အတူ မြန်မာနိုင်ငံမှထွက်ရှိသည့် အခြားကုန်ကြမ်း ပစ္စည်းများကိုလည်းကုန်ချောအဖြစ် ထွက်ရှိအောင် ဆောင်ရွက်၍ ပြည်ပနိုင်ငံများသို့တင်ပို့ ရောင်းချနိုင်ရန်ကြိုးစားရမည်ဖြစ်ကြောင်း၊ ကုန်ချောအဆင့်ကို ဆောင်ရွက်နိုင်မှ အလုပ်အကိုင်အခွင့်အလမ်းများရရှိပြီး ၀င်ငွေရရှိခြင်း၊ ၀ယ်လိုအားမြင့်မားခြင်းတို့ကို ခံစားရမည်ဖြစ်ကြောင်း၊ စိုက်ပျိုးရေး၊ ၀န်ဆောင်မှုနှင့်စက်မှုလုပ်ငန်းများကို သက်ဆိုင်ရာကဏ္ဍအလိုက် အချိုးညီစွာဖြင့်ပေါင်းစပ်ဆောင်ရွက်ရမည်ဖြစ်ကြောင်း၊ ထိုသို့ကုန်ချောများ ထုတ်လုပ်ရာတွင် အသုံးပြုသည့် ခေတ်မီစက်ပစ္စည်းကိရိယာများကို အသုံးပြုနိုင်ရန်အတွက် အသိပညာရှင်၊ အတတ်ပညာရှင်များလိုအပ်သဖြင့် နိုင်ငံ၏ ပညာရည်မြင့်မားရေးကိုဆောင်ရွက်ရမည်ဖြစ်ကြောင်း၊ ထို့အပြင် နိုင်ငံ၏ ငွေကြေး တန်ဖိုးကိုလည်းခိုင်မာတည်ငြိမ်အောင် ဆောင်ရွက်ရမည်ကို လေ့လာသိရှိကြရန်လိုကြောင်း ပြောကြားသည်။

-

အုပ်ချုပ်ရေးနှင့်ပတ်သက်၍ ဒီမိုကရေစီလမ်းကြောင်းပေါ်၌လျှောက်လှမ်းချိန်၌ ဥပဒေနှင့်အညီ ဆောင်ရွက်ရန်လိုပြီး ညီညွတ်မျှတသည့်အုပ်ချုပ်ရေးစနစ်ရှိရမည်ဖြစ်ကြောင်း၊ တပ်မတော်သားများ အနေဖြင့် စစ်စည်းကမ်းများကို တိကျစွာလိုက်နာရန် လိုအပ်ကြောင်း၊ ထုတ်ပြန်ထားသည့် စည်းကမ်း၊ ဥပဒေ၊ အမိန့်များကို ကျား/မ၊ အသက်အရွယ် မခွဲခြားဘဲ မှန်မှန်ကန်ကန်လိုက်နာကျင့်သုံး လုပ်ဆောင်ရန်လိုအပ်ကြောင်း၊ ကာကွယ်ရေးနှင့်ပတ်သက်ပြီး နိုင်ငံတော်ကာကွယ်ရေးသည် တပ်မတော်တစ်ရပ်တည်းဆောင်ရွက်၍ မရဘဲ ပြည်သူများပါဝင်ပူးပေါင်းဆောင်ရွက်မှအောင်မြင်မှု ရရှိမည်ဖြစ်ကြောင်း၊ အခြားနိုင်ငံများ၏ကာကွယ်ရေးလုပ်ငန်းများ ဆောင်ရွက်ရာတွင် ပြည်သူများမှ ပူးပေါင်း ပါဝင်ဆောင်ရွက်မှုများရှိကြောင်း၊ ကာကွယ်ရေးအမြင်နှင့်ပတ်သက်ပြီး ဒေသတွင်းနှင့် နိုင်ငံတကာရှိတပ်မတော်များ၏ ကာကွယ်ရေးမူဝါဒများ၊ ကာကွယ်ရေးဥပဒေ၊ စစ်မှုထမ်းဥပဒေ၊ သံတမန်ရေး၊ နိုင်ငံခြားဆက်ဆံရေး၊ နိုင်ငံအပေါ်သက်ရောက်မှုများ၊ သမိုင်းကြောင်း၊ နောက်ခံအကြောင်းအရာများစသည်ဖြင့် ကျယ်ကျယ်ပြန့်ပြန့် နက်နက်နဲနဲ နှိုင်းယှဉ်စဉ်းစား ဆင်ခြင်သုံးသပ်နိုင်ရမည်ဖြစ်ပြီး ယခုသင်တန်းတက်ရောက်ရာမှရရှိသော သင်ခန်းစာ၊ အတွေ့အကြုံများကိုအသုံးချ၍ မိမိုကိုယ်ကိုတန်ဖိုးရှိအောင်၊ တပ်မတော်နှင့်တိုင်းပြည်အတွက် အားထားရသူများဖြစ်အောင် ကြိုစားကြရန်လိုကြောင်းဖြင့် မှာကြားခဲ့ကြောင်း သတင်းရရှိသည်။

-

#မြ၀တီနေ့စဉ်သတင်းစာ