နေပြည်တော် ၁၄-၉-၂ဝ၁၈
တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီးမင်းအောင်လှိုင်သည်ဇနီး ဒေါ်ကြူကြူလှ၊ ကာကွယ်ရေး ဦးစီးချုပ်(ရေ)ဗိုလ်ချုပ်ကြီး တင်အောင်စန်းနှင့်ဇနီး၊ ကာကွယ်ရေးဦးစီးချုပ်(လေ)ဗိုလ်ချုပ်ကြီး မောင်မောင်ကျော် နှင့်ဇနီး၊ ကာကွယ်ရေး ဦးစီးချုပ်ရုံး(ကြည်း)မှ တပ်မတော်အရာရှိကြီးများ၊ အရှေ့ပိုင်းတိုင်းစစ်ဌာနချုပ်တိုင်းမှူး ဗိုလ်ချုပ်လင်းအောင်နှင့် တာဝန်ရှိသူများလိုက်ပါပြီး ယနေ့ညပိုင်းတွင် တောင်ကြီးမြို့ရှိ့ ရွှေဘုန်းပွင့်စေတီတော် နှင့် စူဠာမုနိစေတီတော်သို့သွားရောက်ဖူးမြော်ကြည်ညိုသည်။
ဦးစွာတပ်မတော်ကာကွယ်ရေးဦးစီးချုပ် ဇနီးနှင့်အဖွဲ့ဝင်များသည် ရွှေဘုန်းပွင့်စေတီတော်သို့ရောက်ရှိကြရာ စေတီတော်ကြီး၏ဂေါပကအဖွဲ့နာယက ဦးအောင်ကိုဝင်းနှင့် ဂေါပကအဖွဲ့ဝင်များကကြိုဆိုနှုတ်ဆက်ကြသည်။ ထို့နောက် တပ်မတော်ကာကွယ်ရေးဦးစီးချုပ်နှင့်ဇနီးတို့သည် စေတီတော်ကြီးရှိဗုဒ္ဓရုပ်ပွားတော်မြတ်အား ဖူးမြော်ကြည်ညိုပြီး ပန်း၊ ရေချမ်း၊ ဆီမီးများကပ်လှူပူဇော်ကြပြီး စေတီတော်ကြီးအားလက်ယာရစ်လှည့်လည် ဖူးမြော်ကြည်ညိုကြသည်။
ယင်းနောက်တပ်မတော်ကာကွယ်ရေးဦးစီးချုပ်သည် တပ်မတော် (ကြည်း၊ ရေ၊လေ) မိသားစုများမှလှူဒါန်းသည့် အလှူငွေများအားဂေါပကအဖွဲ့ထံပေးအပ်လှူဒါန်းပြီး ဂေါပကအဖွဲ့ဝင်များနှင့်မှတ်တမ်းတင်ဓာတ်ပုံရိုက်ကူး၍ ဧည့်သည်တော်မှတ်တမ်းစာအုပ်တွင် လက်မှတ်ရေးထိုးသည်။
ဆက်လက်ပြီးတပ်မတော်ကာကွယ်ရေးဦးစီးချုပ် ဇနီးနှင့်အဖွဲ့ဝင်များသည် စူဠာမုနိစေတီတော်သို့ ရောက်ရှိ ကြပြီး စေတီတော်ကြီးရှိဗုဒ္ဓရုပ်ပွားတော်မြတ်အားဖူးမြော်ကြည်ညို ၍ပန်း၊ ရေချမ်း၊ ဆီမီးများကပ်လှူပူဇော်ကြပြီး လက်ယာရစ်လှည့်လည်ဖူးမြော်ကြည်ညိုကြသည်။ ထို့နောက်တပ်မတော် (ကြည်း၊ ရေ၊လေ) မိသားစုများမှ လှူဒါန်းသည့်အလှူငွေများအား ဂေါပကအဖွဲ့ထံပေးအပ်လှူဒါန်းပြီး ဧည့်သည်တော်မှတ်တမ်းတွင် လက်မှတ် ရေးထိုးကာ ဂေါပကအဖွဲ့ဝင်များနှင့် မှတ်တမ်းတင်ဓာတ်ပုံရိုက်ကူးခဲ့ကြကြောင်း သတင်းရရှိသည်။
# မြဝတီနေ့စဉ်သတင်းစာ
No comments:
Post a Comment