ပြင်ဦးလွင် ၁ဝ-၉-၂ဝ၁၈
ပြင်ဦးလွင် အတက်လမ်းတွင် မန္တလေးမြို့မှ ဘုရားဖူး ပြန်လာသည့် အလင်းဆောင်ဘော်ဒါမှ ကျောင်းသားများ လိုက်ပါလာသော ဒိုင်နာယာဉ်သည် ယနေ့ညနေပိုင်းက တိမ်းမှောက်မှု ဖြစ်ပွားခဲ့သဖြင့် ကျောင်းသားများနှင့် ဂိုက်ဆရာများ ဒဏ်ရာရရှိခဲ့ကြောင်း အုန်းချော နယ်မြေရဲစခန်းမှ စခန်းမှူး ရဲအုပ်ဇော်မြင့်က ပြောပြ၍ သိရသည်။
အဆိုပါ ယာဉ်တိမ်းမှောက်မှုသည် ပြင်ဦးလွင်အတက်လမ်း မိုင်တိုင် ၁ဝ မိုင် ၅ ဖာလုံအနီး ငွေတောင်ကျေးရွာနှင့် ကုလားကြီးခြံ ကျေးရွာအကြား၌ ဆိုင်ကယ်တစ်စီးကို တိမ်းရှောင်ရာမှ ယခုကဲ့သို့ တိမ်းမှောက်ခဲ့ခြင်း ဖြစ်သည်။
"ဒဏ်ရာတွေကတော့ အပြင်းအထန်မရကြပါဘူး။ ဖြစ်တဲ့သူတွေကို ကျောက်မီးဆေးရုံကို ပို့ထားပါတယ်။ ဓာတ်မှန်ရိုက်ဖို့ လိုအပ်တဲ့ ကလေးတွေကိုလဲ မန္တလေးဆေးရုံကြီးကို ပို့ထားပေးပါတယ်"ဟု ရဲအုပ်ဇော်မြင့်က ပြောပြသည်။
အလင်းဆောင်ဘော်ဒါမှ ကျောင်းသား စုစုပေါင်း ၂၅ ဦးလိုက်ပါလာပြီး ယာဉ်တိမ်းမှောက်မှုကြောင့် နဝမတန်းကျောင်းသား ခုနစ်ဦး၊ ဒသမတန်းကျောင်းသား ၁ဝဦးနှင့် ဂိုက်ဆရာတစ်ဦး စုစုပေါင်း၁၈ဦးထိခိုက် ဒဏ်ရာရရှိခဲ့ပြီး အခြားသူများလဲ ပြင်ပဒဏ်ရာ (မစိုးရိမ်ရ) များ ရရှိခဲ့ကြောင်း သိရသည်။
အဆိုပါဖြစ်စဉ်နှင့် ပတ်သက်၍ ယာဉ်မောင်းဖြစ်သူကို အုန်းချော ရဲစခန်းက အရေးယူရန် ဆောင်ရွက် လျက်ရှိကြောင်း သတင်းရရှိသည်။
#မြဝတီနေ့စဉ်သတင်းစာ
No comments:
Post a Comment