ဘာကြောင့် အခုထိ မချမ်းသာသေးတာလဲ

ဆောင်းပါး ၁၈-၇-၂ဝ၁၈

မြန်မာနိုင်ငံ၏ ဆင်းရဲမှုနှုန်းသည် လွန်ခဲ့သော ဆယ်စုနှစ်တစ်စုအတွင်း ၃၂ ဒသမ ၁ရာခိုင်နှုန်းမှ ၁၉ ဒသမ ၄ ရာခိုင်နှုန်းသို့ ကျဆင်းလာကြောင်း ပြည်ထောင်စုသမ္မတ မြန်မာနိုင်ငံတော် အစိုးရနှင့် ကမ္ဘာ့ဘဏ်တို့က ၂ဝ၁၅ခုနှစ်ထိ ရရှိလာသော အချက်အလက်များအပေါ် အခြေခံကာ ပူးတွဲပြုစုသည့် အစီရင်ခံစာအသစ်အရ သိရသည်ဟု ၂ဝ၁၇ခုနှစ် သြဂုတ် ၃၁ရက်ထုတ် မြန်မာ့အလင်းသတင်း စာတွင်စာရေးသူ ဖတ်ခဲ့၊မှတ်ခဲ့ရသည်။

ထို့ကြောင့် မြန်မာလူထု၏ဆင်းရဲမှုမှာ ယခင်၂ဝဝ၇ခုနှစ်ကထက် လျော့နည်းခဲ့ပေပြီ။ ဤသည်ကား အမှန်ပင်၊ အိမ်ထောင်စုများသည် ပိုမိုသုံးစွဲ လာနိုင်ကြသည်။ အိမ်တိုင်း မော်တော်ဆိုင်ကယ်၊ မော်တော်ကား၊ ရုပ်မြင်သံကြားစက်၊ မိုဘိုင်းဖုန်း စသည့်ခေတ်မီကိရိယာများ ပိုမိုသုံးစွဲလာနိုင်သည်မှာ မျက်မြင်ကိုယ်တွေ့ပင် ဖြစ်သည်။

၂ဝ၁၅ ခုနှစ်ထိရရှိသော အချက်အလက်များအရ မော်တော်ဆိုင်ကယ် ပိုင်ဆိုင်သည့် အိမ်ထောင်စုဦးရေမှာ ၄၂ ရာခိုင်နှုန်းကျော်ရှိသည်။ ၂ဝဝ၉ခုနှစ်က ၂၅ရာခိုင်နှုန်းသာ ရှိခဲ့သည်ဟု အစီရင်ခံစာတွင် ဖော်ပြထားသည်။ဤသည်ကို ထောက်ထားလျှင် အိမ်ထောင်စု တစ်စုချင်း၏ စီးပွားရေးမှာ တိုးတက်လာသည်။ သို့သော် သူဌေးဖြစ်ပြီလား၊ ချမ်းချမ်းသာသာ နေနိုင်ကြပြီလားဟု မေးလျှင် သူဌေးမဖြစ်သေးပါ။ မချမ်းသာသေးပါဟု ဖြေရမည်။ ဤသည်ကို ကာတွန်းတစ်ခုက ထောက်ပြထားသည်။ ဤကာတွန်းတွင် "ယခင်ရှေးက တစ်ယောက်လုပ်စာကို ဆယ်ယောက်ထိုင်စား လို့ရတယ်။ အခုတစ်ယောက်ကို ဆယ်မျိုးလောက် အလုပ်လုပ်ရတယ်"ဟုဆိုထားသည်။ 

ထို့ကြောင့် ဝင်ငွေများ တိုးလာသော်လည်း ချမ်းချမ်းသာသာ မနေနိုင်ကြသေးပါ။ ကြွက်ပြေးများပမာ ပြေးလွှားနေကြရ ဆဲဖြစ်သည်။ စာဖတ်သူများ၊ မိဘပြည်သူများ ချမ်းသာကြစေချင်ပါသည်။ ချမ်းသာနည်းများရှိသည်။ ဤသည်ကို ပြောပြပါမည်။ အခြေအနေ၊ အချိန်အခါပေါ် မူတည်ပြီးအံဝင်ခွင်ကျ အချိန်ကိုက် ကြိုးပမ်းဆောင်ရွက်သွားလျှင် ချမ်းသာကြွယ်ဝ ကြပါမည်။

ချမ်းသာစေမည့်နည်းလမ်းများ

၁။ ပထမဆုံး ချမ်းသာချင်စိတ်ရှိရမည် "ချမ်းသာချင်လိုက်တာ ထီကလဲ ပေါက်ပဲပေါက်နိုင် ခဲလိုက်တာ"ဟု ညည်းညူ နေသူများရှိသည်။ ဤကား မရေမရာ မျှော်လင့်နေခြင်းပင်။ ချမ်းသာချင်စိတ်ကို သာမန်ထမင်းစား ရေသောက်အလုပ်မျှသာ စဉ်းစားတွေးခေါ် ဆောင်ရွက်နေ၍ မရရှိနိုင်ပေ။ ပြင်းပြင်းပြပြဆန္ဒ ဖြစ်ပေါ်ရမည်။ ဆန္ဒပြင်းပြလျှင် ချမ်းသာမည်။ နေ့စဉ် အနည်းဆုံး နံနက်တစ်ကြိမ်၊ ညနေတစ်ကြိမ် "ငါချမ်းကို ချမ်းသာမယ်"ဟု ပြင်းပြင်း

ပြပြစိတ်ဖြင့် ရွတ်ဆိုပြီး မိမိ၏စိတ်ကိုနှိုးဆွပေးပါ။ ထိုအခါ ဆန္ဒပြင်းထန်လွန်ကဲလာပြီး ချမ်းသာမည့်လုပ်ရပ်များ လုပ်ကိုင်မိကာ ချမ်းသာလာမည်။ 

၂။ ချမ်းသာမည့်နည်းလမ်းသိစေရန် ရှာသင့်သည် ဤဆောင်းပါးတွင် နည်းလမ်းများကို ဖော်ပြထားသည်။ ဤနည်းလမ်းများကို တိကျစွာလိုက်နာပါ။ စာဖတ်သူချမ်းသာ ပါလိမ့်မည်။ အခြားတစ်နည်းမှာ မိမိပတ်ဝန်းကျင်တွင် ချမ်းသာနေသူများ၏ လုပ်နည်းလုပ်ဟန်များကို အတွင်းကျကျ လေ့လာကြည့်ပါ။ ထိုအခါ သူ၏နည်းလမ်းများမှ မိမိနှင့်သင့်လျော်လျှင် အတုယူလုပ်ကိုင်ပါ။ ထိုအခါ စာဖတ်သူချမ်းသာ လာပါလိမ့်မည်။ ဥပဒေနှင့်မလွတ်ကင်းသော နည်းများကို အတုမယူမိရန်လိုမည်။ မြန်မြန်ချမ်းသာ ချင်လွန်းလျှင် မချမ်းသာဘဲ ဒုက္ခရောက်တတ်သည်။ ဖြည်းဖြည်း တိုးတက်ချမ်းသာမှ စီးပွားရေးအခြေခိုင်ပြီး ရေရှည်ချမ်းသာခြင်း အကျိုးတရား ခံစားရမည်။

၃။ ဘာလိုချင်လဲ (ဝန်မလေးနဲ့) ရဲရဲတောင်းပါ မိမိရချင်သောနည်းလမ်း သို့မဟုတ် ပစ္စည်းကို ရဲရဲတောင်းပါ။ ကိုကာကိုလာအဖျော်ရည်ဖြင့် ချမ်းသာသွားသော အလုပ်သမားသည် ဖျော်ရည်နည်းစနစ်ကို အဖျော်ကျွမ်းကျင်သူ ပညာရှင်ထံမှ တောင်းယူပြီး လက်တွေ့ထုတ်လုပ်ဖြန့်ဖြူးရာမှ သူဌေးဖြစ်သွားသည့် သာဓကရှိသည်။ လိုက်နာအပ်ပေသည်။

၎။ မတွေဝေနဲ့ ရဲရဲဆုံးဖြတ်၊ မတင်မကျမလုပ်နဲ့ ပြတ်သားပါ ချမ်းသာစေရန် ဆောင်ရွက်ရာတွင် ပြတ်ပြတ်သားသား လုပ်ရမည်။ ရဲရဲရင့်ရင့် ဆုံးဖြတ်ရမည်။ တွေဝေနေခြင်းသည် တန်ဖိုးရှိသောအချိန်များ ကုန်ဆုံးတတ်သည်။ အခွင့်အလမ်းကောင်းများ လက်လွတ်ဆုံးရှုံး တတ်သည်။ ခေါင်းဆောင်လုပ်သူက မတင်မကျလုပ်နေလျှင် အောက်လက်ငယ်သားများက တလွဲလုပ်မိပြီး လုပ်ငန်းဆုံးရှုံး ရတတ်သည်။

၅။ ယုံကြည်မှုရှိရမည် မိမိကိုယ်မိမိ ယုံကြည်မှုရှိရမည်။ "ငါမှာ တန်ခိုးပါဝါရှိတယ်။ ငါ့ကိုယ်ငါ ထိန်းနိုင်တယ်။ ငါလုပ်ရင် ဖြစ်ကိုဖြစ်တယ်။ ဖြစ်ရမယ်၊ ဖြစ်နိုင်တယ်"ဆိုသောစာသားကို မိမိအိပ်ရာဘေးမှာ ချိတ်ဆွဲထားပြီး အမြဲရွတ်နေရမည်။ သို့ဖြင့် မိမိကိုယ်မိမိ ယုံကြည်စိတ်များ တိုးပွားလာကာ လုပ်ငန်းများ အောင်မြင်သည်ထက် အောင်မြင်လာမည်။

၆။ ရည်မှန်းချက်တိတိကျကျ သတ်မှတ်ရမည် ချမ်းသာခြင်း၏ အရင်းခံ ပထမဆုံးအချက်သည် ငွေစုဆောင်းခြင်း ဖြစ်သည်။ တစ်လ မည်မျှစုမည်၊ တစ်နှစ်မည်မျှစုဆောင်း ရရှိရမည်ကို တိတိကျကျ သတ်မှတ်ထားပြီး ဆောင်ရွက်ရမည်။ စိတ်ဓာတ်ခိုင်မာရန်၊ ရည်မှန်းချက်မပျက်ရန် အထူးလိုအပ် ပေသည်။ ဤအခြေခံအချက်ကို တိကျစွာ ဆောင်ရွက်နိုင်စွမ်း ရှိပြီဆိုပါလျှင် အခြားသော လုပ်ငန်းများလည်း ရည်မှန်းချက်အတိုင်း အောင်မြင်ပြီး မြောက်မည်။ ချမ်းသာမည်။

၇။ အမှန်တကယ် ရိုးရိုးသားသား၊ စွဲစွဲလမ်းလမ်း၊ ထက်ထက်သန်သန် လိုချင်တမ်းတမှုရှိရမည် "ဘယ်တော့မှအရှုံးမပေးနဲ့"ဟူသော ဟောလိဝုဒ် သန်းကြွယ်သူဌေး ရုပ်ရှင်မင်းသားစတားလုံးက ပြောခဲ့သည်။ သူကိုယ်တိုင်လည်း ရုပ်ရှင်မင်းသား ဖြစ်ချင်လွန်း၏။ အထက်တန်းကျောင်းနေရာမှ ထွက်ခဲ့သည်။ မည်သည့်ဝင်ငွေရမည့် အလုပ်မျှမလုပ်။ ကာယလေ့ကျင့် ခန်းလုပ်၊ ရုပ်ရှင်မင်းသား သရုပ်ဆောင်အလုပ်ကိုသာ လေ့ကျင့်နေခဲ့သည်။ ထို့နောက် လက်ဝှေ့ဇာတ်လမ်း ဇာတ်ညွှန်းတစ်ခုကို နာရီ ၂ဝကြာ တစ်ဆက်တည်းရေးသည်။ သူ့ဇာတ်ညွှန်းကို သူကိုယ်တိုင်မင်းသား လုပ်ခွင့်ရသည်ထိ စောင့်ဆိုင်းပြီးမှ ဒေါ်လာသုံးသောင်းဖြင့် ရောင်းချခဲ့သည်။ ဒေါ်လာသိန်းကျော် ပေးသော်လည်း မင်းသားလုပ်ခွင့် မပေး၍ လုံးဝမရောင်းချ။ သူကိုယ်တိုင်ရေး ထားသည့် ဇာတ်ညွှန်းကို သူကိုင်တိုင်အကောင်းဆုံး သရုပ်ဆောင်ကာ ရိုက်ကူးရုံတင်ရာ တစ်ပတ်အတွင်း ဒေါ်လာသန်း ၃ဝဝ ဝင်ငွေရခဲ့သည်။ သူလည်း အချိုးကျရရှိရာ ထိုတစ်ကားတည်းဖြင့်ပင် ကမ္ဘာကျော်ရုပ်ရှင်မင်းသား၊ သန်းကြွယ်သူဌေး ဖြစ်သွားတော့သည်။ စတားလုံးက ရုပ်ရှင်မင်းသားဖြစ်ရန် စွဲလမ်းခဲ့သည်။ စိတ်အားအထူး ထက်သန်ပြီး အရှုံးမပေးဘဲ ဆောင်ရွက်သည်နှင့် သူအောင်မြင် ချမ်းသာသွားခဲ့ရသည်။ နမူနာယူအပ်သည်။

၈။ စာနှင့်ချရေးရမည်၊ တိတိကျကျရေးထားရမည် မိမိရည်မှန်းချက်သည် တစ်ခုတည်းဟုတ်ချင်မှ ဟုတ်ပေမည်။ သို့သော် ရည်မှန်းချက်မရှိဘဲနှင့် အသက်ရှင်မနေအပ်ပေ။ ရည်မှန်းချက်အများရှိပေမည်။ ဤသည်ကို စာအုပ်တွင် ချရေးထားရမည်။ တိတိကျကျချရေးထားရမည်။ ရည်မှန်းချက် ၅ဝ၊ ၁ဝဝ စသည်ရှိပေမည်။ "ရည်မှန်းချက်မရှိပါဘူး"ဟု ပြောသောသူသည် သူဌေးမဖြစ်မည့် လူဖြစ်ပေသည်။"အေးအေးဆေးဆေးပဲ နေပါတော့မယ်"ဟု ပြောသူသည်လည်း ချမ်းသာခြင်း၊ ကြွယ်ဝခြင်းနှင့် ဝေးမည့်လူ ဖြစ်ပေသည်။ ရည်မှန်းချက်များကို မကြာခဏဆန်းစစ်ရမည်။ ထပ်မံချမှတ်ရန် ရည်မှန်းချက်များရှိလာလျှင် ထပ်မံရေးသားထားရမည်။

၉။ ထပ်ကာထပ်ကာ နေ့စဉ်ရွက်ဆိုနေရမည် မိမိရည်မှန်းချက်များကို နံနက်၊ နေ့လယ်နှင့် ညနေအချိန်များတွင် အချိန်ရလျှင်ရသမျှ အကြိမ် ၅ဝမျှရွတ်ဆိုရမည်။ ခရီးသွားစဉ် ရည်မှန်းချက်စာအုပ် ယူသွားပြီး ဘတ်စကား ပေါ်တွင်လည်း ရွတ်ဆိုနိုင်သည်။ သို့မှသာ စိတ်တွင်စွဲမြဲသွားမည်။ မသိစိတ်ထဲထိ စွဲမြဲသွားပြီဆိုလျှင် ချမ်းသာမည့်လုပ်ငန်း၊ အောင်မြင်မည့်နည်းလမ်း များသည် ဦးနှောက်အတွင်းသို့ လျှပ်တစ်ပြက်ပင် မစဉ်းစားရဘဲ ဝင်လာမည်။ မြန်မာ စကားတစ်ခုရှိသည်။ "တစ်ရေးနိုးသော် အကြံပေါ်၊ ပေါ်သည့်အကြံ တစ်သိန်းတန်" ဤသဘောဖြစ်သည်။ ထိုင်ပြီးစဉ်းစားနေရုံဖြင့် တစ်ခါတစ်ရံ အကြံဥာဏ်မပေါ်ပေါက်လာ၊ ထပ်တလဲလဲ ရွတ်ဆိုထားခြင်းဖြင့်အတွင်းစိတ်သို့ ဝင်သွားပြီးသောအခါ ခန္ဓာကိုယ်အာရုံကြောများက အလိုအလျောက် ထုတ်လုပ်ပေးသည်။ လုပ်ကြည့်ပါ။ အကျိုးထူးပေးပါမည်။ 

၁ဝ။ စိတ်ဓာတ်သတ္တိရှိရန် အရေးကြီးသည် စီးပွားရေးတိုးတက်စေရန် ဆောင်ရွက်ရာတွင် စိတ်ဓာတ်သတ္တိ မြင့်မားနေရမည်။ တက်ကြွနေရမည်။ လုပ်မည်၊ ကိုင်မည်ဖြစ်ရမည်ဟူသော စိတ်အစဉ် မွေးမြူထားရမည်။ "မရှိလို့လုပ်စားတာ ဖြည်းဖြည်းပေါ့"ဟူသော အားပျော့သည့်စိတ်ဓာတ်ဖြင့် မချမ်းသာနိုင်ပေ။ ထို့ပြင် သတ္တိရှိရမည်။ မြေကွက်များ ဝယ်ယူရာတွင်၊ လုပ်ငန်းသစ်ထူထောင်ရာတွင် မဆောင်ရွက်မီ အနုလုံပဋိလုံ ဝေဖန်သုံးသပ်ရမည်။ ဆုံးဖြတ်ချက်ချပြီးလျှင် လုပ်ငန်းအောင်မြင်သည်ထိ အကောင်အထည်ဖော်ရမည်။ တိကျသေချာစွာ ဆောင်ရွက်ရမည်။ စိုးရွံ့စိတ်ပယ်ရှားပစ်ရမည်။ သို့မှ လုပ်ငန်းများ အောင်မြင်ပြီး ကြီးပွားချမ်းသာမည်။

၁၁။ အာရုံစူးစိုက်မှုကောင်းစေရန် လေ့ကျင့်ရမည် မည်သည့်လုပ်ငန်းလုပ်သည်ဖြစ်စေ အာရုံစူးစိုက်ပြီး လုပ်ရမည်။ အာရုံစူးစိုက်မှု ကောင်းစေရန် မိမိကိုးကွယ်ရာဘုရားအား အချိန်အတိအကျ သတ်မှတ်ပြီး ဝတ်ပြုရမည်။ ဆုတောင်းရမည်။ ပုတီးစိပ်ခြင်း၊ တရားထိုင်ခြင်းကို မပျက်မကွက်သတ်မှတ်ချိန် တွင်ပြုရမည်။ သို့ဖြင့်အာရုံစူးစိုက်မှု အားကောင်းလာမည်။ အလုပ်ခွင်ဝင်သော အခါတွင်လည်း အလုပ်ခွင်တွင် အာရုံစူးစိုက်ပြီး အကောင်းဆုံး ဖြစ်စေရန် ဆောင်ရွက်ရမည်။ သို့ဖြင့် ပေါ်လာသောဖြေရှင်းရန် ကိစ္စရပ်များကို မှန်ကန်တိကျစွာ ဆောင်ရွက်နိုင်ပြီး အောင်မြင်ပါမည်။ တင်းနစ်နှင့် ဂေါက်သီးချန်ပီယံများသည် တစ်ချက်ချင်းရိုက်ချက်ကို အာရုံစိုက်သကဲ့သို့ ဖြစ်သည်။

၁၂။ ငါအောင်ရမည်ဟု ပြင်းပြင်းပြပြယုံကြည်ရမည် ဘုရင့်နောင်ကျော်ထင် နော်ရထာ၏ နောင်ရိုးချောင်းတိုက်ပွဲတွင် ကျင့်သုံးခဲ့သည့် စစ်ဆင်ရေး စိတ်ဓာတ်ဖြစ်သည်။ ရန်သူကိုမတိုက်မီကပင် အောင်မြင်ပြီးပြီဟု ပြောခဲ့သည်။ ဘုရင်ထံလည်း အောင်ပြီဟု လျှောက်ထားခဲ့သည်။ မိမိတို့စီးပွားရေး ဆောင်ရွက်ရာတွင်လည်း အောင်ရမည်ဟူသော အောင်စိတ်မွေးပြီး ဆောင်ရွက်ရမည်။ ထိုစိတ်မျိုးမွေး နိုင်ရန်လည်း မိမိတို့၏လုပ်ငန်းကို အကောင်းဆုံး အနေအထားရောက်စေရန် ဆောင်ရွက်ရမည်။ ပေါ့ပေါ့တန်တန်တွေးပြီး ဖြစ်သလိုလုပ်လိုက် ပြီဆိုလျှင် အောင်မြင်မှုဟူသည် လေထဲလွင့်သွားပေမည်။ ငါအောင်ရမည်ဟု ပြင်းပြင်းပြပြယုံကြည်မှုရှိစေရန် မိမိလုပ်ငန်းကိုလည်း ရာခိုင်နှုန်းပြည့် အကောင်းဆုံးအဆင့်ထိ လုပ်ထားရမည်။ ထိုအခါ အောင်မြင်မှုသည် ပြေးမလွတ်၊ မုချမသွေမိမိတို့ ရပေမည်။

၁၃။ စာများများဖတ်ပါ။ လုပ်ငန်းနှင့်ပတ်သက် သောစာများ စာအုပ်များ ထဲတွင်ရှိသည်။ စာကြည့်တိုက်များ၊ စာအုပ်ဆိုင်များတွင် စာကောင်းပေမွန်များ ရှိသည်။ နေ့စဉ်ထုတ်သတင်း စာများတွင်လည်း လုပ်ငန်းအမျိုးမျိုးနှင့်ပတ်

သက်သောစာများ၊ သတင်းများပါရှိသည်။ ထိုစာအုပ်နှင့် သတင်းစာများတွင် မိမိလုပ်ငန်းနှင့် ပတ်သက်သည် များကိုရွေးပြီး ရှာပြီးဖတ်ရမည်။ သို့မှ ဆောင်ရွက်ရန်များ ဆောင်ရွက်နိုင်မည်။ ရှောင်ကြဉ်စရာများ ရှောင်ကြဉ်နိုင်မည်။ ပေါ်လာသောအခွင့် အလမ်းများကို အမိအရယူနိုင်မည်။ ကြီးပွားချမ်းသာသူတိုင်း စာများများ ဖတ်သည်ကို တွေ့ရမည်။ ဆုံးဖြတ်ချက်ချပြီးလျှင် လုပ်ငန်းအောင်မြင်သည်ထိ အကောင်အထည် ဖော်ရမည်။ စာဖတ်ခြင်းဖြင့် လုပ်ငန်းနှင့် ပတ်သက်သော အကြံဥာဏ် အသစ်များရရှိမည်။ တီထွင်ကြံဆစရာ အတွေးသစ်များ ရရှိနိုင်သည်။ ထို့ကြောင့် ချမ်းသာချင်လျှင် စာဖတ်ရန်မပျင်းအပ်ပေ။ ကြီးပွားချမ်းသာ နေသူများသည် စာများများ ဖတ်သူများ ဖြစ်ကြသည်။

၁၄။ ကြောက်စိတ်ကင်းရန် လိုအပ်သည်"ကြောက်လွဲ ရဲမင်းဖြစ်"ဟူသော စကားရှိသည်။ ရဲရင့်ပြတ်သားသူသည် မင်းဖြစ်နိုင်သည်။ စီးပွားရေးကြီးပွားရေး ဆောင်ရွက်ရာတွင်လည်း ကြောက်ရွံ့စိတ်ကင်းရမည်။ ငွေချေးယူရန် 

လိုအပ်ပါကငွေကျပ် သိန်းပေါင်းများစွာ ချေးယူရဲရမည်။ လုပ်ငန်းကြီးလုပ်ရန် လိုအပ်ပါက လုပ်ရဲကိုင်ရဲရှိရမည်။ သို့သော် မိုက်ရူးရဲ ဆန်ဆန်လုပ် ရပ်မျိုးကို ရှောင်ရမည်။ မရှောင်နိုင်ဘဲ ဆင်ကန်းတောတိုး ဆောင်ရွက်ပါက ကြီးပွားဆုံးရှုံးရ တတ်သည်။ ရေရှည်မျှော်တွေးပြီး ဆောင်ရွက်အပ်ပေသည်။

၁၅။ ကိုယ်ရှာထားသည့် ငွေ၏ကျေးကျွန်ဘဝကို မည်သည့်အခါမျှ မရောက်ပါစေနှင့် ငွေကြေးစုဆောင်းမိသောအခါ ဖြစ်တတ်သော ဖြစ်စဉ်မှာ ငွေကိုခင်တွယ်ပြီး လုပ်ငန်းများလုပ်ရန် မဝံ့မရဲဖြစ်နေခြင်း ဖြစ်ပေသည်။ သို့ဖြင့်အခွင့်အလမ်းများ ဆုံးရှုံးရတော့သည်။ ငွေ၏သဘောမှာ မတိုးပွားလျှင် ဆုတ်ယုတ်တတ်သည့်သဘော၊ ငွေ၏တန်ဖိုးသည် ကျဆင်းသွားသည့် သဘောဖြစ်ပေသည်။ ထို့ကြောင့် ငွေကိုခင်တွယ် ဆုပ်ကိုင်ထားပြီး မလုပ်ရဲ မကိုင်ရဲဖြစ်မနေသင့်ပေ။ ငွေကို ကောင်းစွာခိုင်းစား တတ်လျှင် ကျွဲအုပ်၊ နွားအုပ်များပမာ တစ်နှစ်ထက် တစ်နှစ်တိုးတက်ပွားများ လာပေတော့သည်။ ဖော်ပြပါအချက် ၁၅ ချက်သည် ချမ်းသာကြွယ်ဝနည်းများ ပင်ဖြစ်ပေသည်။ တကယ်လက်တွေ့ဆောင် ရွက်လျှင် တကယ်ချမ်းသာပါမည်။

"ဘာကြောင့် အခုထိ မချမ်းသာသေးတာလဲ" ဟူသော မေးခွန်း၏ အဖြေမှာအထက်ဖော်ပြပါ နည်းလမ်းများကိုလက်တွေ့ မလုပ်ကြသဖြင့်ဖြစ်သည်။ တကယ်လက်တွေ့ ထိထိရောက်ရောက် တက်တက်ကြွကြွ ဆောင်ရွက်ကြလျှင် ၁ဝဝ ရာခိုင်နှုန်း ချမ်းသာပါမည်ဟု အာမခံပါသည်။ ချမ်းသာသွားသူများလည်း ရှိပြီးဖြစ်ပါသည်။ တကယ်လက်တွေ့လုပ်ပြီး ချမ်းသာကြပါစေ။

စာကိုး

''ဘာကြောင့် ခုထိမချမ်းသာသေးတာလဲ''

(The Instant Millionaire)by Mark 

Fisher ဘာသာပြန်ဖေမြင့်

ရတနာပုံနေ့စဉ်သတင်းစာ စာ (၁၄)

#Themyawadydaily