၁။ လျှောက်ထားသူသည်-
(က) ပြည်ထောင်စု သမ္မတ မြန်မာနိုင်ငံသား အိမ်ထောင် မရှိဖူးသူ အမျိုးသမီး(အပျို) ဖြစ်ရမည်။
(ခ) ၂ဝ၁၇ ခုနှစ်၊ ဒီဇင်ဘာလ ၃၁ ရက်နေ့တွင် အသက် ၃ဝ နှစ်ထက် မကြီးရ။
(ဂ) အနည်းဆုံးအရပ် ၅ ပေ၊ ၃ လက်မနှင့် ကိုယ်အလေးချိန် ပေါင် ၁ဝဝ ထက်မနည်းရ၊ ပေါင် ၁၃ဝ ထက် မကျော်ရ။
(ဃ) (M.B.B.S)သို့မဟုတ် (B.D.S) ဘွဲ့ရပြီးသူ ဖြစ်ရမည်။ ဘွဲ့လက်မှတ် (မူရင်း)အား တင်ပြနိုင်ရမည်။
၂။ သက်ဆိုင်ရာ တက္ကသိုလ်မှ (Grading Certificate) အမှတ်စာရင်း ပါရှိရမည်။
၃။ မိဘအုပ်ထိန်းသူ၏ ခွင့်ပြုချက်ရရှိရမည်။
၎။ လျှောက်လွှာများကို ဆေးဝန်ထမ်း ညွှန်ကြားရေးမှူးရုံးနှင့် မိမိတို့နှင့်နီးစပ်ရာ တိုင်းစစ် ဌာနချုပ်များတွင် အခမဲ့ရယူနိုင်သည်။
၅။ လျှောက်လွှာနှင့်အတူ အကျင့်စာရိတ္တ ကောင်းမွန်ကြောင်း သက်ဆိုင်ရာတိုင်းဒေသကြီး/ ပြည်နယ်/ မြို့နယ် ရဲတပ်ဖွဲ့စခန်းတစ်ခုခုမှ ထောက်ခံစာ (မူရင်း)နှင့် ပတ်စပို့အရွယ်ဓာတ်ပုံ ၃ ပုံ ပူးတွဲတင်ပြရမည်။
၆။ တပ်မတော်မှ လေ့ကျင့်သင်ကြားမှု စနစ်အတိုင်း လိုက်နာ ဆောင်ရွက်နိုင်သူ ဖြစ်ရမည်။
၇။ လျှောက်လွှာနှင့် အတူပါရှိသော ဆေးစစ်ပုံစံဖြင့် မိမိတို့ နေထိုင်ရာ တိုင်းဒေသကြီး/ ပြည်နယ်/ မြို့နယ်ရှိ တပ်မတော်ဆေးရုံ/ ပြည်သူ့ဆေးရုံတွင် ပဏာမ ကျန်းမာရေး စစ်ဆေး အောင်မြင်သူဖြစ်ရမည်။
၈။ လျှောက်လွှာကို ၂ဝ၁၇ ခုနှစ်၊ စက်တင်ဘာလ ၁၁ ရက်နေ့မှစ၍ ထုတ်ပေးမည်ဖြစ်ပြီး၊ အောက်တိုဘာလ၂၇ ရက်နေ့ နောက်ဆုံးထား၍ လျှောက်လွှာ ထုတ်ယူရရှိသော ဆေးဝန်ထမ်း ညွှန်ကြားရေးမှူးရုံး (သို့မဟုတ်) သက်ဆိုင်ရာ တိုင်းစစ်ဌာနချုပ်မှတစ်ဆင့် စစ်ရာထူးခန့်ချုပ်ရုံး၊ ကာကွယ်ရေးဦးစီးချုပ်ရုံး(ကြည်း)သို့ ပေးပို့ကြ ရမည်။
၉။ သတ်မှတ်ချက်နှင့် ပြည့်စုံပြီး အရည်အချင်းပြည့်မီသော လျှောက်လွှာရှင်များသာ တပ်မတော်ဗိုလ်ရွေး အဖွဲ့တွင် ဝင်ရောက်အစစ်ဆေး ခံရမည်။ ဗိုလ်ရွေးအဖွဲ့တွင် ဝင်ရောက်အစစ်ဆေးခံရန် အကြောင်းကြားစာ များကို သက်ဆိုင်ရာ တိုင်းစစ်ဌာနချုပ်များ မှတစ်ဆင့် အချိန်မီ ပေးပို့သွားမည်။
၁ဝ။ သတ်မှတ်ထားသည့် အချက်အလက်များ တိကျပြည့်စုံစွာ ရေးသား ဖော်ပြခြင်းမပြုသော လျှောက်လွှာများ၊ မမှန် မကန် ဖြည့်စွက်ရေးသားဖော်ပြသော လျှောက်လွှာများနှင့် အချိန်မီမရောက်ရှိသော လျှောက်လွှာများအား ထည့်သွင်း စဉ်းစားမည် မဟုတ်ပါ။ မိမိတို့လျှောက်လွှာ တင်သွင်းသည့် ဌာနတွင် ရွေးချယ်ခြင်း ခံရသည်/ မခံရ သည်ကို သွားရောက်စုံစမ်း မေးမြန်းနိုင်သည်။
စစ်ရာထူးခန့်ချုပ်ရုံး
ကာကွယ်ရေးဦးစီးချုပ်ရုံး(ကြည်း)
#Themyawadydaily
No comments:
Post a Comment